«Qoǵamda zań ústemdigi berik ornyǵyp, sot tóreligi ádil atqarylýy qajet. Osyǵan oraı, qazylar qaýymyn shuǵyl túrde qaıta iriktep, jańartyp jasaqtaý kerek. Qazylar joǵary bilikti, adal, sondaı-aq, jemqorlyqtan taza bolýy qajet. Eń aldymen, barlyq sýdıalardyń mártebesin teńestirgen jón», dedi Memleket basshysy.
Qasym-Jomart Kemelulynyń aıtýynsha, qazylar ózinen joǵary turǵan áriptesterine táýeldi bolmaýy kerek.
«Sot tóraǵasy laýazymy sýdıa laýazymy bolyp ózgeredi. Sot tóraǵasy jáne Sot alqasynyń tóraǵasy laýazymyna úmitkerdi sýdıalar ózderi saılaıtyn tásil engizýdi usynamyn. Joǵarǵy Sot sýdıalaryn da saılaý arqyly tańdaý tásilin engizgen jón. Ol úshin Prezıdent úmitkerlerdi balamaly negizde Senatqa usynýy kerek. Atalǵan salaǵa myqty zańgerlerdi tartý úshin materıaldyq jaǵdaı jasaý qajet», dep tolyqtyrdy Prezıdent.
