«Otbasylyq zorlyq-zombylyqty qylmys sanatyna jatqyzý máselesi qoǵamda kópten beri talqylanyp júr. Quqyq qorǵaý organdary bul usynystyń durys ekenine kúmánmen qaraıdy. Sebebi, mundaı turmystyq jaǵdaılardy anyqtaý ońaı emes, ıaǵnı osyndaı oqıǵalardy tergep-tekserý qıynǵa soǵady», dedi Prezıdent bıylǵy Joldaýynda.
Qasym-Jomart Toqaev otbasylyq zorlyq-zombylyqqa kóz juma qaraýǵa bolmaıtynyn basa aıtyp, atalǵan qylmystyń jazasy kúsheıtiletinin jetkizdi.
«Otbasynda oıran salatyndar jazaǵa tartylmasa, olar odan beter basynyp ketedi. Al japa shekkender múldem qorǵaýsyz qalady. Mundaı áreketter úshin jazany kúsheıtetin kez keldi dep sanaımyn. Zardap shekken jandar eldiń sózinen nemese bireýdiń qysym jasaýynan qoryqpaýy qajet», dep qosty Memleket basshysy.
