Memleket basshysynyń aıtýynsha, saıası jańǵyrý aıasynda elimizde parlamentarızmniń damýy basty oryn alady. Al jańartylǵan Konstıtýsııa ádil jáne ashyq oıyn erejeleri bar saıası júıeniń múldem jańa standarttaryn belgileıdi.
«Saıası partııalardy tirkeý rásimderi aıtarlyqtaı jeńildetildi. Partııalyq tizimder men bir mandatty okrýgter boıynsha Parlament pen máslıhattardy qalyptastyrýdyń jańa tetikteri jumys isteı bastaıdy. Tutastaı alǵanda, konstıtýsııalyq reformada kózdelgen barlyq ınstıtýsıonaldyq ózgeristerdi jyl sońyna deıin zańnamalyq turǵydan aıaqtaý qajet. Olar saıası partııalar sanynyń artýyna alyp keledi, saıası básekelestikti kúsheıtedi, halyq qalaýlylarynyń jańa tolqynynyń paıda bolýyna yqpal etedi. Eski úlgiler boıynsha saılanǵan ókildi organdar kezekten tys saılaý sıklynan ótip, zańdy túrde jańarýy kerek», dedi Qasym-Jomart Toqaev.
