«Ádil Qazaqstandy qurýda mektep muǵalimderi sheshýshi ról atqaratynyna senimdimin. Sońǵy jyldary bul mamandyqtyń tartymdylyǵyn arttyrý úshin memleket kóp jumys jasady. Alaıda, bul baǵytta áli de oń ózgerister qajet», dep atap ótti Prezıdent bıylǵy Joldaý barysynda.
Memleket basshysynyń aıtýynsha, alda pedagogıkalyq joǵary oqý oryndaryn akkredıtteýdiń jańa standartyn qabyldaý jáne pedagog quzyrettiliginiń sheńberin ázirleý mindeti tur.
«Jahandyq ǵylymı-tehnıkalyq progresti eskere otyryp, joǵary synyptarda jaratylystaný-matematıkalyq sıkl jáne aǵylshyn tili pánderin oqytýdy kúsheıtý mańyzdy», dedi Qasym-Jomart Toqaev.
Prezıdent óz sózinde otandyq joǵary oqý oryndarynyń sapasy artýyna qaraı olarda oqý quny da ósetinin qosa aıtty.
«Memleket bilim berý granttaryn bólýdi josparlap otyr, olar UBT nátıjeleri men ózge de kórsetkishterge baılanysty mólsheri boıynsha 30-dan 100%-ǵa deıin saralanady. Oqýǵa jyldyq 2-3% jeńildikpen kredıtter de beriletin bolady. Kórsetilgen sharalar joǵary bilimdi neǵurlym qoljetimdi etedi, sondaı-aq qoǵamda áriptestik pen ózara jaýapkershilik ıdeologııasyn nyǵaıtady», dedi Memleket basshysy Parlament palatalarynyń birlesken otyrysynda,
