Aldymyzdaǵy adastyrmas jol silter, aınytpas baǵyt berer temirqazyq nysana da osy. Jeke óz basym uzaq jyl bilim berý salasynda eńbek etip kele jatqandyqtan tabıǵatymyzǵa bir taban jaqyn bilim berý salasyna qatysty Prezıdent pikirin meılinshe muqııat tyńdadym. Aıtylǵan kesek te kókeıkesti máseleler kóp kóńilinen shyqqanyna esh shúbá joq. Máselen, Prezıdent «el bolamyn deseń, besigińdi túze» dep bastady óz sózin. Osy bir aýyz sózdiń astarynda urpaq tárbıesine qatysty myń batpan salmaqtyń menmundalap jatqandyǵy shyndyq. Bala tárbıesin basynan bastaýymyz kerek. Onyń ishinde mektepke deıingi tárbıe mekemesinde. Tálimdi tárbıeniń tamasha órimi osy jerde bastalyp, osy jerde búr jarsa quba-qup. Joldaýda aıtylǵan 2-den 6 jasqa deıingi balalardyń jartysynan astamy ǵana balabaqshaǵa barady. Mundaı olqylyqqa jol berýge bolmaıdy degen pikirine bóle-jara toqtalsaq, artyqtyǵy bolmas. HHI ǵasyrda mundaı múshkil halde otyrǵanymyzdyń ózi uıat. Munyń arǵy jaǵynda áleýmettik qıyn jaǵdaıdyń qalyptasyp otyrǵandyǵyn jasqanbaı aıtýymyz kerek. Balalardyń balabaqshaǵa bara almaýy, olardyń durys tárbıesine ǵana emes, otbasynyń jaǵdaıyna da áser etedi. Jas shańyraqtyń jıi shaıqalýy da osyndaı olqylyqtyń saldary. Joldaýda balalardy balabaqshamen qamtamasyz etý máselesin túpkilikti sheshý mindeti qoıylyp otyr. Onyń ústine tárbıeshilerdiń áleýmettik mártebesin arttyryp, jalaqysyn kóbeıtý kerek ekendigi de aıtyldy. Biz kúndelikti ómirde mektepke deıingi mekemelerde jumys isteıtin tárbıeshilerdiń jalaqysy az ekenin kórip, bilip júrmiz. Jalaqy az bolǵannan keıin olardan zaman talabyna tolyq jaýap beretin jumys suraýdyń ábestik. Bul pikirdi barlyq tárbıeshilerdiń qýana quptaıtyny daýsyz. Ári osy saladaǵy mamandarǵa qoıylatyn naqty talaptardyń bekitilýi tıistigi de aıtyldy. Oǵan qosa jumys júktemesiniń de birtindep azaıatyndyǵy málim boldy. Bala tárbıesindegi olqy túsip jatqan osy bir jaı óte durys kóterilip otyr.
О́z isine adal ustazdar bilim berý salasynyń damýyna zor úles qosady. Bul pikir osy Joldaýda aıtyldy. Kúndelikti ómirmen baılanystyratyn bolsaq, oblys ortalyǵyndaǵy Aqan seri atyndaǵy joǵary mádenıet kolledjinde kásibı bilikti mamandar daıyndalýda. Olar qashanda suranysqa ıe. Bizdiń ystyq uıamyzdan túlep ushatyn túlekterdiń qoǵamǵa qajet ekendigin ár jyl saıyn jumysqa ornalasý kórsetkishinen kórip, bilip otyrmyz. О́ner men mádenıet salasyna qyzmet etetin kolledj túlekteri el besigin túzeýge óz úlesin qosýda. Osy oraıda el Prezıdentiniń ádiletti Qazaqstandy qurý isinde muǵalimderdiń róli aıryqsha ekendigin aıtýy óte oryndy boldy dep esepteımin. Shynyn aıtý kerek, sońǵy jyldary ustaz mamandyǵynyń abyroı-bedelin arttyrý baǵytynda kóp jumys jasalýda. Bul bizdi qýantady, qanattandyrady. Aldaǵy ýaqytta da zamandastarymyzdyń rýhanı álemin nurlandyratyn, uly ómirdi súıe bilýge jáne súıikti bolýǵa baýlıtyn mamandardyń sapasyn arttyrý baǵytynda jumys isteı beremiz.
Shaǵyn pikirde bar jaıdy qamtyp, túgel aıtyp shyǵý múmkin emes. Shıratyp aıtqanda, Joldaýdyń aıryqsha mańyzdylyǵy kórinip tur. Qoǵamdyq ómirimizdegi bar salany túgel qamtyǵan dese de bolarlyq.
Quralaı YDYRYSOVA,
Aqan seri atyndaǵy joǵary mádenıet kolledjiniń dırektory, Ybyraı Altynsarın atyndaǵy tósbelginiń ıegeri.
