Shyǵys Qazaqstan oblysynyń aýmaǵy gıdrografııalyq qatynasta Ertis basseıni jáne ishinara Balqash-Alakól oıysyndaǵy kólder basseıni bar.
Negizgisi, Ertis ózeni. Ol Zaısan kólimen birge erekshe memlekettik mańyzy bar sý obektileri bolyp tabylady. Ertis aǵynynyń bir bóligi Qytaıdan jylystap, Qazaqstandy kesip ótip, Reseı aýmaǵyna túsedi. Iаǵnı, transshekaralyq ózen.
Sonymen qatar, Ertis ózeniniń sý resýrstaryn paıdalaný úshin sý ózen alqabynda Buqtyrma, О́skemen jáne Shúlbi gıdroelektr stansalary jumys isteıdi. Bizdiń mindet, osy kásiporyndardy jumysshy kúshimen qamtamasyz etý.
Biz osy ýaqytqa deıin sý salasyna qatysty halyqaralyq, respýblıkalyq birneshe dóńgelek ústelder ótkizip, Qazaqstanda sýmen jabdyqtaý jáne sý burý mamandarynyń biliktiligin arttyrý júıesi tıisti deńgeıde emes ekendigine kóz jetkizgen edik. Bul pikirdi búgin Prezıdent te rastap otyr. Sýmen qamtý salasy mamandaryn daıyndaý úshin josparly túrde jumys isteýimiz kerek.
Aldaǵy ýaqytta oqý ornymyzda sý sharýashylyǵy jáne sý paıdalaný salasyndaǵy quzyretter jáne tehnologııalar transferi ortalyǵynyń bazasynda bilim berý alańyn qurý týraly sheshimder qabyldanady. Prezıdent atap ótkendeı, «Sý resýrstary jáne sýdy paıdalaný» mamandaryn daıyndaýdy nazarǵa alyp, bakalavrlardy jáne «Sýmen jabdyqtaý jáne káriz» mamandyǵy boıynsha magıstranttardy daıyndaý úshin kúsh salatyn bolamyz. Árıne, buǵan deıin de atalǵan sala mamandary oqytylyp kelgen edi.
Máselen, ýnıversıtetimiz «Aǵartý» Ǵylymı-bilim berý Konsorsıýmy mamandarymen birlesip, mamandardy oqytyp qana qoımaımyz, qaıta daıyndaýdan ótkizemiz, eldegi ınnovasııalyq damýǵa, sıfrlandyrý júıesine qaraı bilimderin jetildiremiz, shyńdaımyz.
Aıta keterligi, bizde sý salasy mamandaryn daıyndaý úshin oqytý bazasy tolyq jetkilikti. Arnaıy ortalyqtyń quramyna 5 zerthana kiredi: «Gıdravlıka», «Sý resýrstaryn biriktirilgen basqarý», «sorǵylar, jeliler jáne sý daıyndaý», «Gıdrohımııa», «Jylytý jáne jeldetý». Professorlyq-oqytýshylyq quram da júıeli túrde jumys istep keledi.
Alaıda, Prezıdent aıtqandaı, Respýblıkada mamandardyń jetkiliksizdigi anyq baıqalady. Biz óz tarapymyzdan bilimdi kadrlardy daıyndaý úshin joǵary qarqynmen jumys isteıtin bolamyz.
Sáýle Rahmetýllına,
D. Serikbaev atyndaǵy ShQTÝ Basqarma Tóraǵasy-rektor
