Atyraý oblysy ákiminiń orynbasary Jasulan Bısembıev jańa basshyny ujymǵa tanystyrdy.
Gúlnar Sádýaqasova eńbek jolyn 1989 jyly burynǵy Gýrev mýzyka ýchılıshesi, qazirgi «Dına Nurpeıisova atyndaǵy halyqtyq mýzyka Akademııasy» Atyraý mýzyka kolledjinde konsertmeıster qyzmetinen bastaǵan. 1993-2007 jyldary kolledjde mýzyka teorııasy páninen oqytýshy, dırektordyń oqý isi jónindegi orynbasary bolyp jumys istedi. 2007 jyldyń qazan aıynan búginge deıin «Dına Nurpeıisova atyndaǵy halyqtyq mýzyka Akademııasy» Atyraý mýzyka kolledjiniń dırektory qyzmetin atqardy.
Sonymen qatar Gúlnar Sádýaqasova oblystyq balalar mýzyka mektepteri basshylary Keńesiniń tóraıymy, Qazaqstan isker áıelderi qaýymdastyǵynyń múshesi. Bilim jáne ǵylym mınıstrliginiń «Bilim berý isiniń qurmetti qyzmetkeri» tósbelgisimen jáne QR Táýelsizdigine 30 jyl merekelik medalimen marapattalǵan.
