«Zardap shekken aımaqqa keltirilgen zalaldy baǵalaýdy júrgizý úshin saraptama komıssııasy jiberiledi. Resmı derekterge qaraı naqty zalaldy óteý úshin zardap shekken bızneske qarjy jınaý uıymdastyrylady», dedi «Atameken» QR UKP Basqarma tóraǵasynyń birinshi orynbasary Maqsat Kıkımov.
Onyń aıtýynsha, zardap shekkenderge tólem jınaý men tóleýdi uıymdastyrý úshin «Kúshimiz birlikte» qorymen ýaǵdalastyqqa qol jetkizildi.
Zardap shekkender men kómek kórsetkisi keletinder UKP sall-ortalyǵynyń 1432 jáne О́KP qyzmetkerleriniń telefondary boıynsha habarlasa alady: + 7 777 037 77 78 , +7 705 153 91 07, +7775 963 10 00.
Aldyn ala málimetterge qaraǵanda, qazirgi ýaqytta tasjol boıynda ornalasqan úsh qoǵamdyq tamaqtaný obektisi zardap shekken. Olardyń biri jumys istemeıdi.
Eske sala ketsek, 2 qyrkúıek kúni Qostanaı oblysynda alapat órt boldy. 3 qyrkúıekte órt jaqyn mańdaǵy aýyldarǵa tarap úlgerdi.
Tótenshe jaǵdaılar mınıstri Iýrıı Ilın órttiń sebebi otty abaısyz qoldaný bolýy múmkin ekenin aıtty. Qazir tergeý organdary barlyq múmkin nusqalardy qarastyryp jatyr.
