Atyraýdyń múgedek voleıbolshylary Azııa chempıonatynyń kúmis júldesin ıelendi

Atyraýda múgedek sportshylardan quralǵan voleıbolshylar komandasy bar. Birneshe jyldan beri tek munaıly óńirdiń ǵana emes, táýelsiz Qazaqstannyń abyroıyn halyqaralyq saıystarda sátti qorǵap júr. Taıaýda ǵana Irannyń Meshhed qalasynda ótken Azııa chempıonatynda el namysyn qoldan bermeı, qurlyqtyq saıystyń kúmis júldesin ıelendi. Múgedek voleıbolshylar voleıboldy otyryp oınaıdy. Bir ereksheligi, voleıboldy otyryp oınaýdan el quramasy atyraýlyq múgedekterden jasaqtalǵan. «Mú­gedekter» sport klýbynyń dırek­tory-bas jattyqtyrýshy Baýyr­jan Tahaýovtyń aıtýynsha, el quramasy sanalatyn atyraýlyq komanda Azııa chempıonatynda Mońǵolııa, Japonııa, Irak quramalarynan aıqyn ba­symdyǵyn tanytypty. Tek aqtyq básekede ǵana Iran eliniń komandasynan utylǵan. Birneshe ret álemdik básekelerde top jar­ǵan ırandyq voleıbolshylarǵa ese jibergen atyraýlyq múgedek voleıbolshylar Polshada ótetin álem chempıonatyna beriletin úsh joldamanyń birin utyp aldy. Álem chempıonaty maýsym aıynda ótkizilmek. – Al kúzde Koreıada óte­tin Rıo de-Janeırodaǵy paraolım­pıadalyq oıyndarǵa lısenzııa beretin saıystarǵa qatysamyz. Sheberligimiz synǵa túsetin sol saıysta paraolımpıadalyq oıyndarǵa qatysý joldamasyna ıe bolýdy kózdep otyrmyz, – deıdi múgedek voleıbolshylar komandasynyń bas jattyqtyrýshysy Baýyrjan Tahaýov. Joldasbek ShО́PEǴUL, «Egemen Qazaqstan». Atyraý oblysy. Sýrette: Azııa chempıonatynyń kúmis júldesin ıelengen voleıbolshylar.