Konferensııaǵa QR Ǵylym jáne joǵary bilim mınıstri S.N. Nurbek, QR Aqparat jáne qoǵamdyq damý mınıstri D.Q. Qydyráli, QR Mádenıet jáne sport mınıstri D.Á. Abaev, Qazaqstan, Reseı, AQSh, Túrkııa, Vengrııa, Polsha, Túrikmenstan, О́zbekstan, Tatarstan, Qyrǵyzstannyń, t.b. elderdiń ǵalymdary qatysyp, baıandama jasady.
«Ult ustazy, ulttyq ǵylymnyń negizin salýshy Ahmet Baıtursynulyna arnalǵan búgingi ǵylymı konferensııa uly tulǵanyń san salaly shyǵarmashylyq murasyn zerdeleı kele, tarıhı dáýirdiń de ǵylymı tanymyn, qoǵamdyq-mádenı sıpatyn tanytady dep oılaımyn. Biz Ahmet Baıtursynuly sııaqty asa iri oqymysty ǵalymnyń muralary jóninde ǵylymı tujyrymdar jasaý arqyly onyń eńbekteriniń ózektiligin, ıaǵnı búginimizben sabaqtastyǵyn da tanı túsemiz», dep atap ótti QR Ǵylym jáne joǵary bilim mınıstri Saıasat Nurbek.
Is-shara aıasynda QR Ǵylym jáne joǵary bilim mınıstrligi Til saıasaty komıtetiniń «Ahmet Baıtursynuly men Alash zııalylary týraly jańa muraǵat derekteri» atty tanystyrylymy jáne L.N. Gýmılev atyndaǵy Eýrazııa ulttyq ýnıversıtetiniń rektory, akademık E. Sydyqovtyń Máskeýdiń «Hýdojestvennaıa lıteratýra» baspasynan shyqqan «Ahmet Baıtýrsynov – ýchıtel nasıı» atty kitabynyń tusaýkeseri ótti.
Sonymen qatar mereıtoı aıasynda elordadaǵy Qalamgerler alleıasynda «Alash qaıratkerleri» eskertkishine gúl qoıý rásimi ótti. Oǵan QR Ǵylym jáne joǵary bilim mınıstri S.N. Nurbek, QR Aqparat jáne qoǵamdyq damý mınıstri D.Qydyráli, QR Mádenıet jáne sport mınıstri D.Á. Abaev, Nur-Sultan qalasy máslıhatynyń hatshysy E.E.Kanalımov jáne ahmettanýshy, alashtanýshy ǵalymdar qatysty.
Is-shara A.Baıtursynuly atyndaǵy № 48 mektep-lıseıdegi ult ustazy mýzeıine barý, «Mektep jáne Ahmet Baıtursynuly» kórmesin tamashalaý, mektep muǵalimderi is-tájirıbesimen tanysýmen jalǵasty.
