Jármeńkeden – jumysqa

*Múmkindigi shekteýliler múmkindigi Búginde bos ju­mys oryndary jármeń­ke­siniń ótkizilýi ári onyń nátıjesi boıynsha turǵyndardyń jumysqa ornalasýy eshkimge de tańsyq emes. Bul án burynǵy ánnen ózgerek degendeı, Oral óńirinde ótki­zilgen bul jolǵy bos jumys oryndary jármeńkesiniń ereksheligi – ol múm­kindigi shekteýli jandarǵa arnaldy. Bul tuńǵysh sharaǵa «Nur Otan» par­tı­ıa­sy Zelenov aýdandyq fılıaly bas­tamashy boldy.Buǵan aýdandaǵy memle­kettik mekemeler men kásiporyndar, aksıonerlik qoǵamdar men jaýapkershiligi shekteýli seriktestikter ókilderi jáne jeke kásipkerler qatysty. Árıne, másele qur, jalań jármeńkeni qyzyqtaý emes, onyń túpki nátıjesinde bolsa kerek.Máseleniń mánisine osy turǵydan kelgende, oǵan qanaǵat etýge bolady dep esepteımiz.Naqtyraq aıtqanda, bos jumys oryndary jármeńkesine qatysqan múmkindigi shekteýli jandardyń birqatary bilimderi men bilikterin jetildirý kýrstaryna joldanǵan. Sonymen birge, olardyń keıbirine óz kásipterin ashý týraly paıdaly keńester berilgen. Al ekinshi bireýlerine tup-týra sol jármeńkeniń ústinde jumystar usynylǵan. Jármeńkede baǵy janǵan osyndaı Zelenov aýdany turǵyndarynyń biri, úshinshi toptaǵy múgedek, burynǵy medbıke – Aınur Qu­dabaeva. Ol qaıta daıarlaý kýrsynan ótken soń, aýdandyq aýrýhanaǵa óz mamandyǵy boı­ynsha jumysqa ornalasatyn bolyp sheshildi. Buǵan qosa aıtarymyz, «Nur Otan» partııasy Zelenov aýdandyq fılıaly apparatynda ár aptanyń sársenbisi kúni ótkiziletin qoǵamdyq qabyldaýda múgedek jandardyń muń-muqtajdary men olardy tolǵandyrǵan máselelerge aıryqsha nazar aýdarylyp keledi.Osyndaı keshendi de qalt­qysyz kózqarastyń arqasynda jár­meń­kege deıin de segiz múmkindigi shekteýli aý­dan turǵyny turaqty jumysqa ornalasypty. Sonymen birge, osy topqa kiretin erik-jigeri joǵary jandar áleýmettik ju­mys oryndaryna joldanǵan. Sondaı-aq, ýaqytsha jumys pen kásibı oqý qataryn tolyqtyrǵan múmkindigi shekteýliler de aýdan ákimdigi men «Nur Otan» partııasy fılıalynyń qoldaýy men kómegine dán rıza.Munyń syrtynda, ótken jyly múgedekterdiń bir toby «Jumyspen qamtý-2020» baǵdarlamasy boıynsha qajetti nesıege qol jetkizip, óz kásibin ashýǵa múmkindik alypty. – Elbasynyń bıylǵy Joldaýynda aıtylǵan mindetter men tapsyrmalarǵa saı, múmkindigi shekteýli jandardy jumysqa ornalastyrý úshin barlyq múmkindikter men tetikterdi qarastyrý ústindemiz.Árıne, olardyń bárin bir ýaqytta turaqty jumyspen qamtý ońaı is emes.Sondyqtan da biz bul máselege aıtylǵan usynys-pikirlerdi oı eleginen ótkize kelip, buǵan satylap, ári úzdiksiz úrdis turǵysynan kelýdi qolaıly kórip otyrmyz.Múmkindigi shekteýlilerge arnalǵan bos jumys oryndary jármeńkesin jylyna tórt ret ótkizý jóninde arnaıy sheshim alynǵany da osyndaı oılardan týyndady, dedi búgingi taqyryp tóńiregine oraı Zelenov aýdany ákiminiń orynbasary Gúlnáz Quljanova. Temir QUSAIYN,   «Egemen Qazaqstan». Batys Qazaqstan oblysy, Zelenov aýdany.