Mınıstr Birikken Ulttar Uıymynyń bastamasymen atap ótile bastaǵan bul kúnniń negizgi maqsaty – jalpy azamattyq qoǵam ókilderin ózgelerge kómek kórsetýge, izgilikke shaqyrý ári qaıyrymdylyqqa jumyldyrý ekenin atap ótti.
«Muqtaj janǵa qamqor bolý, ýaqyt ne qarjy arqyly kómek berý, qaıyrymdylyqqa yntaly bolý, volonterlik jasaý – bizdiń yrysty yntymaǵymyzdyń, tynyshtyq pen úılesimde ómir súrýimizdiń kepili ári damyǵan qoǵamnyń bir belgisi sanalady», dedi Darhan Qydyráli.
Onyń aıtýynsha, tarıhtyń tar kezeńderinde ult retinde saqtalyp qalýymyzda da meıirim-shapaǵat áseri mol.
«Barshaǵa belgili, meıirimdilik pen qaıyrymdylyq – halqymyzdyń qasıetti qundylyǵy. Ál-Farabı indete izdegen izgilik, Abaı tereń boılaǵan jyly júrek pen parasattylyq búgingi býynnyń da boıynan tabylady. Keshe álemdik pandemııada bir el bolyp birigip, búgin Qostanaı halqy tabıǵı apatpen betpe-bet kelgende, ult bolyp uıysyp, kómek qolyn soza bildik. О́ıtkeni adam ómiri, azamattardyń qaýipsizdigi – memleketimizdiń basty baılyǵy.
Qazaqstan Prezıdenti óz Joldaýynda «Memleket, eń aldymen, bárine birdeı múmkindik berip, ádildik ornatady. Qoǵam ıgiligine arnalǵan qyzmet deńgeıi joǵary bolýyna kepildik beredi. Áleýmettik jaǵynan álsiz toptaǵy azamattarǵa qoldaý kórsetemiz. Múmkindigi shekteýli jandarǵa da kómektesemiz», dedi. Bıyl «Qaıyrymdylyq týraly» Zańǵa ózgerister engizilip, izgi istermen aınalysatyn uıymdar men mesenattarǵa birshama memlekettik qoldaý kórsetiletini jazyldy. Bul baǵyttaǵy jumystar jalǵasa bermek. Erikti eńbek etip, muqtaj jandarǵa qol ushyn sozyp, qaıyrymdylyq jasap júrgen barsha izgi janǵa alǵys aıtamyz!
Mereke qutty bolsyn!», dep jazdy Darhan Qydyráli.
