Buǵan deıin «temir atymen» talaı belesti baǵyndyrǵan Ernat Melsuly osy jolǵy velosherýin Ahmet atamyz týǵan topyraqtan bastap, Ázerbaıjan men Grýzııany basyp, saparyn Túrkııanyń Ystanbul qalasyndaǵy ataqty taekvondoshy Mustafa О́ztúriktiń zıratyna táý etýimen túıindemek.
«Velosherýge jalǵyz shyǵyp baramyn. 55 kúnde 5555 shaqyrymdy eńsersem dep oılaımyn. Bul saparymda ult ustazyn ulyqtaýmen birge elimizdiń Ázerbaıjan, Grýzııa, Túrkııamen arada dıplomatııalyq qarym-qatynastyń ornaǵanyna 30 jyl tolýyn nasıhattap, óz úlesimdi qossam deımin. Sondaı-aq Baký, Tbılısı, Ankara, Ystanbuldaǵy Abaı atamyz atyndaǵy kóshelerdi kózben kórip, sondaǵy aqyn eskertkishine taǵzym etýdi josparlap otyrmyn», dedi veloshabandoz.
Aıta keteıik, bıylǵy jyl basynda Ernat Melsuly ult ustazynyń aıtýly mereıtoıyna arnap «150 jyldyqqa – 150 shaqyrym» atty qysqy velomarofon ótkizip, elordadaǵy Trıatlon parkinde elý aınalym jasap, 150 shaqyrymdy eńsergen edi. Ol elimizdegi alǵashqy qysqy marofon retinde Qazaqstannyń rekordtar kitabyna tirkeldi.
