Kollajdy jasaǵan – Záýresh SMAǴUL ,«EQ»
Salystyrmaly túrde qarasaq, 2019 jyly Qazaqstanda 106 mlrd kVt/saǵ elektr energııasy óndirilgen edi. Sońǵy alty jylda bul kórsetkish 16 paıyzǵa artty. Mundaı ósim energetıka salasynyń josparly damýyn jáne jańa qýat kózderiniń iske qosylyp jatqanyn kórsetedi.
2025 jylǵy oń nátıjeler birqatar jańa jobanyń júzege asýymen baılanysty. Atap aıtqanda, Tekeli energııa kesheni men Topar GRES-indegi nysandar paıdalanýǵa berilip, jalpy qýaty 166 MVt bolatyn dástúrli generasııa kózderi iske qosyldy.
2027 jyldyń birinshi toqsanynyń sońyna qaraı Qazaqstan energııa tapshy elder qatarynan shyǵady
Energetıka salasyndaǵy damý qarqyny aldaǵy jyldary da jalǵasyn tabady. 2026 jyly elektr energııasyn óndirý kólemin 126,5 mlrd kVt/saǵ-qa deıin jetkizý josparlanyp otyr. Bul ósim negizinen jalpy qýaty 2,4 myń MVt bolatyn jańa nysandardy paıdalanýǵa berý esebinen qamtamasyz etiledi.
Jyldyń negizgi jobalary qatarynda Qyzylordadaǵy 240 MVt bý-gaz qondyrǵysyn jáne Túrkistandaǵy 1000 MVt qýattaǵy osyndaı stansany iske qosý bar. Sonymen qatar Almatydaǵy 2-JEO men 3-JEO-ny jańǵyrtý jumystary júrgiziledi. Bul eki nysannyń jıyntyq qýaty 1100 MVt-tan asady. Buǵan qosa Atyraý men Tekelidegi energııa kózderiniń qýatyn keńeıtý josparlanǵan.
Prezıdent: AES-tiń aıaqtalǵanyn kútpeı jańa energııa kózderin iske qosý kerek
Mamandardyń aıtýynsha, jańa jobalardyń júzege asýy eldiń elektr energııasyna degen suranysyn qamtamasyz etip qana qoımaı, energetıkalyq júıeniń turaqtylyǵyn arttyrýǵa múmkindik beredi.
