Bul týraly Bayraktar Makina kompanııanyń bas dırektory Halıýk Baıraktar málimdedi. Ol Polshaǵa Kelsedegi MSPO qorǵanys ónerkásibiniń halyqaralyq kórmesine qatysý maqsatynda kelgen.
H. Baıraktardyń aıtýynsha, qazirdiń ózinde ol basqaratyn kompanııa Eýropanyń birqatar elimen kelissózder júrgizilip jatyr.
«Ýkraınadaǵy soǵys jaǵdaıyna baılanysty Bayraktar TB2-ge degen qyzyǵýshylyq artty. Sondaı-aq basqa shabýyldaýshy ushaqtarǵa da suranys artyp keledi. Qazir Batys elderimen kelissózder júrgizilip jatyr», dedi ol.
Kompanııa basshysy Bayraktar TB2 jetkizilimine 24 elmen, al Bayraktar Akinci boıynsha 4 elmen kelisim-shartqa qol qoıǵanyn eske saldy.
Túrikter MSPO 2022 kórmesinde ROKETSAN kompanııasy shyǵarǵan mını-oq-dárilermen jabdyqtalǵan Bayraktar TB2 ushaǵyn tanystyrady.
Polsha prezıdenti Andjeı Dýda daıyndyq jumystary aıaqtalyp jatqan kórme aımaǵyndaǵy Baykar stendine bardy. Polıak basshysyna Bayraktar TB2 sıpattamalary men múmkindikteri týraly aqparat berildi.
Halıýk Baıraktar polıak memleketiniń basshysyna Bayraktar Akıncı Attack ushqyshsyz ushaǵynyń úlgisin usyndy.
Onyń aıtýynsha, 2021 jyldyń mamyr aıynda Polsha Bayraktar TB2 júıesiniń 4 danasyna tapsyrys bergen.
«Osyǵan baılanysty biz olardy óndirý jumystaryn bastap kettik. Polsha úshin ázirlenetin Bayraktar TB2 -de birqatar ózgeris bar. Sonymen qatar olarǵa jańa túzetýler de qajet. Máselen, derekterdi berý júıesinde jáne radar júktemesinde aıyrmashylyqtar bar. Sonymen birge osy kelisimshart aıasynda Polshada ushqyshsyz ushaqqa jan-jaqty qyzmet kórsetý úshin jaǵdaılar jasalady. Polsha - óte úlken naryq. Sondyqtan bul Túrkııa úshin de óte mańyzdy seriktestik», dedi ol.
Ushqyshsyz ushý apparattary Polshaǵa kelesi aıda jetkizile bastaıdy dep kútilýde.
