2022 jylǵy 5 qyrkúıekte qazaq aǵartýshysy, qoǵam qaıratkeri, ǵalym, lıngvıst jáne túrkitanýshy Ahmet Baıtursynulynyń týǵanyna 150 jyl toldy.
Monetanyń bet jaǵyndaǵy ortalyq bóliginde Qazaqstan Respýblıkasynyń Memlekettik Eltańbasy beınelengen. Eltańbanyń sol jáne oń jaǵynda ulttyq oıý-órnek elementteri ornalasqan. Al jıeginde QAZAQSTAN ULTTYQ BANKI • NATIONAL BANK OF KAZAKHSTAN degen jazý bar.
Monetanyń tómengi bóliginde nomınalyn bildiretin jazý bar: kúmisten jasalǵan monetada – 500 TEŃGE, melhıor qospasynan jasalǵan monetada – 100 TEŃGE. Sol jaǵynda moneta jasalǵan metaldy jáne onyń synamasyn bildiretin Ag 925 degen jazý, oń jaǵynda massany bildiretin 24 g jazýy ornalasqan.
Monetanyń syrtqy jaǵynda Ahmet Baıtursynulynyń plakattyq grafıka stılinde oryndalǵan portrettik beınesi ornalasqan. Portrettiń oń jaǵynda kitaptyń stıldendirilgen keskin jaqtaýynda 150 JYL jáne Ahmet Baıtursynuly jazýlary qashalǵan. Joǵarǵy bóliginde QUB logotıpi men soǵylǵan jyly beınelengen. Tómengi bóliginde – qylqalam beınesi, Ahmet Baıtursynovtyń ómir súrgen jyldary – 1872 jáne 1937 jj., tómengi bóliginde qylqalam beınesiniń astynda Bilim álemdi qutqarady jazýy ornalasqan.
Kúmis monetanyń massasy – 24 gramm, dıametri – 37 mm, daıyndaý sapasy – «proof», nomınaly – 500 teńgelik, daıyndaý taralymy – 2 000 dana.
MN 25 melhıor qospasynan jasalǵan monetanyń massasy – 15 gramm, dıametri – 33 mm, daıyndaý sapasy – «brilliant uncirculated», nomınaly – 100 teńgelik, taralymy – 20 000 dana.
2022 jylǵy 5 tamyzda Keńes odaǵynyń ushqysh-shabýylshysy, avıasııa general-maıory Talǵat Bıgeldınovtiń týǵanyna 100 jyl toldy.
Monetanyń bet jaǵyndaǵy ortalyq bóliginde Qazaqstan Respýblıkasynyń Memlekettik eltańbasy beınelengen. Eltańbanyń sol jáne oń jaǵynda ulttyq oıý-órnek elementteri ornalasqan. Al tómengi jaǵynda monetanyń nomınalyn bildiretin 100 TEŃGE, jıeginde QAZAQSTAN ULTTYQ BANKI • NATIONAL BANK OF KAZAKHSTAN degen jazý bar.
Monetanyń syrt jaǵynda Uly Otan soǵysynyń aıaqtalý ýaqytyna baılanysty Talǵat Bıgeldınovtiń portrettik beınesi ornalasqan. Portrettiń sol jaǵynda shabýyldaýshy ushaqtar men 100 JYL jazýy bar. Portret beınesiniń astynda Talǵat Bıgeldınovtiń týǵan jyly men monetanyń soǵylǵan jyly jazylyp, TALǴAT BIGELDINOV jazýy ornalastyrylǵan. Barlyq jazý juldyzdarmen bólingen.
MN 25 melhıor qospasynan turatyn kolleksııalyq monetalardyń massasy – 15 gramm, dıametri – 33 mm, daıyndaý sapasy – «brilliant uncirculated», nomınaly – 100 teńgelik, taralymy – 15 000 dana.
Aıta ketsek, kúmisten jasalǵan monetalar memlekettik tilde, orys jáne aǵylshyn tilderinde QUB-tyń nómirlik sapa sertıfıkaty bar kádesyı oramynda shyǵarylady. Melhıor qospasynan jasalǵan monetalar jeke blısterlik oramda shyǵarylady.
Kolleksııalyq monetalar Qazaqstan teńge saraıynda daıyndaldy.
