Vedomstvo habarlaǵandaı, olar óz ultynyń kásipkerlerine zańsyz alym salyp, olardyń arasynda qylmystyq ıdeıalar men urylardyń ustanymdaryn engizýge árekettengen.
IIM-niń arnaýly maqsattaǵy bólimsheleri Almaty, Atyraý, Petropavl, Aqtaý qalalary men Jambyl oblysynyń aýmaǵynda arnaıy operasııa júrgizdi. Operasııa barysynda jedel qyzmetkerler qylmystyq toptardyń 11 qatysýshysy men qylmystyq teketiresterge tartylǵan «kıllerdi» qolǵa túsirdi.
«Olardyń júrgen jerleri men turǵylyqty mekenjaılaryna 25 tintý is-sharasy júrgizilip, atys qarýynyń arsenaly, shetel valıýtasyndaǵy úlken kólemdegi aqsha, sondaı-aq asa iri mólsherdegi esirtki quraldary tárkilendi», delingen IIM taratqan habarlamada.
Kúdiktilerge qatysty «kúzetpen ustaý» túrindegi bultartpaý sharasy tańdaldy.
«Qazirgi ýaqytta basqa da qylmyskerlerdi ustaý jáne jaýapkershilikke tartý sharalary qabyldanýda», dep qosty vedomstvo.
