Qujat Memleket basshysynyń 2022 jylǵy 16 naýryzdaǵy Joldaýyn iske asyrý sheńberinde ázirlendi.
«Otandyq BAQ-tyń Qazaqstanda, óńirde jáne álemde bolyp jatqan úderisterge óz kózqarasy bolýǵa tıis. Shynaıy aqparattyq qaýipsizdik jáne eldiń ıdeologııalyq egemendigi de osyǵan baılanysty. Memleket suranysqa ıe jáne myqty medıanyń ashyq aqparattyq keńistigin qurýǵa erekshe nazar aýdarady. Sondyqtan memlekettiń múddesin, qoǵamnyń suranystaryn jáne medıa salanyń damý tendensııalaryn eskere otyryp, BAQ týraly zańdy qaıta qaraý qajet», dep atap ótken bolatyn Qasym-Jomart Toqaev.
Qujat kelesi máselelerdi sheshýge baǵyttalǵan:
- jýrnalısterdiń mártebesin kóterý;
- memlekettik qarjylandyrýdy reformalaý;
- memlekettik organdarmen ózara is-qımyl;
- BAQ tirkeý tártibin ózgertý;
- teleradıo habarlaryn taratý salasyndaǵy trendterdiń ózgerýi;
- ınternet-jarnamany retteý;
- salanyń ózin-ózi retteýin damytý.
Kórsetilgen problemalardy halyqaralyq tájirıbeni eskere otyryp sheshý úshin:
- Jýrnalısterdiń quqyqtaryn nyǵaıtý jáne mindetterin qaıta qaraý, sondaı-aq jýrnalısterdiń artyqshylyqtaryn keńeıtý jóninde jaǵdaılar jasaý.
- Jańa uǵymdardy, sýbektilerdi anyqtaý jáne belgili bir baılanys túrlerin belgili bir sanatqa jatqyzý.
- Granttyq qarjylandyrý jáne sýbsıdııalaý tetigine kóshý.
- Memlekettik organdardyń jýrnalıstik suranystaryn qaraý merzimderin qaıta qaraý.
- AQ tirkeý kezinde domendik ataýdyń bolýy boıynsha talaptardy belgileý.
- Telekommýnıkasııa (ınternet) jelilerindegi habar taratýdyń jańa túrleriniń qyzmetin zańnamalyq retteý.
Atap aıtqanda, jańa shynaıylyq pen praktıkany eskere otyryp, memlekettik qarjylandyrýdy iske asyrýdyń jańa tásilderin ázirleý usynylady.
AQDM esepteýinshe, mundaı tásil memlekettik aqparattyq saıasatty iske asyrýdyń tıimdiligin, sondaı-aq otandyq BAQ-tyń básekege qabilettiligin arttyrady.
Teleradıo habarlaryn taratý salasyndaǵy trendterdiń ózgerýine keletin bolsaq, sońǵy jyldary teleradıo habarlaryn taratý salasyna telekommýnıkasııa jelilerinde (ınternet) habar taratýdyń jańa túrleri, aýdıovızýaldy platformalar, IP TV operatorlary jáne OTT formatyndaǵy operatorlar enip otyr.
Osy oraıda, olardyń qyzmetin zańdy túrde retteý usynylady, bul IPTV-servıster men teleradıo habarlaryn taratýdyń otandyq spýtnıktik jáne kabeldik operatorlary arasyndaǵy zııandy básekelestikti joıýǵa jáne quqyq ıelenýshilerge zalal keltirýge, sondaı-aq QR aýmaǵynda esepke alý rásiminen ótpegen sheteldik telearnalardyń IPTV/OTT-servısteriniń taralýyna jol bermeýge múmkindik beredi.
Internet-jarnamany retteý turǵysynan jańa tehnologııalardyń jappaı damýy quqyqtyq óristen tys jarnamanyń jańa túrlerin týdyratyny atap ótildi. Ony reglamentteý qaǵıdattaryn ázirleý usynylady.
Salanyń ózin-ózi retteýin damytý jónindegi bólimde qazirgi ýaqytta Qazaqstanda óz qyzmetin belsendi júzege asyratyn BAQ salasyndaǵy 30-dan astam qoǵamdyq birlestikter, qaýymdastyqtar (odaqtar) jáne basqa da kommersııalyq emes uıymdar bar ekendigi kórsetiledi. Alaıda, jalpyǵa birdeı belgilengen standarttar joq ekenin aıta ketý kerek.
Osyǵan baılanysty salalyq zań jobasynda BAQ-tyń ózin-ózi retteý tetikterin qarastyrý usynylady.
AQDM-de mundaı norma bolashaqta memlekettik bıliktiń, azamattyq qoǵamnyń jáne mass-medıa ókilderiniń teń quqyǵyna alyp kelýge múmkindik beredi dep sanaıdy.
Qujat 27 qyrkúıekke deıin Ashyq NQA saıtyna ornalastyrylǵan.
