Taǵylymdy sharaǵa elimizge belgili ǵalymdar men aqyn-jazýshylar, qoǵam qaıratkerleri, jýrnalıster, sondaı-aq aqyn shyǵarmashylyǵyn zerdelegen ádebıet janashyrlary qatysty.
Sharanyń resmı bóliminde otty jyrymen oqyrman júreginen oryn alyp, ádebıet pen ǵylymda, jýrnalıstıka men Memlekettik qyzmette ulttyq tanym bıiginen tabyla bilgen qalamgerge Prezıdent Qasym-Jomart Toqaevtyń, Úkimet basshysy Álıhan Smaıylovtyń, Qazaqstan Jazýshylar odaǵynyń tóraǵasy Ulyqbek Esdáýlettiń quttyqtaý hattary tabystalyp, QazUÝ rektory Janseıit Túımebaevtyń buıryǵymen bilim ordasynyń «Eren eńbegi úshin» altyn medali tapsyryldy.
Belgili ádebıettanýshy, Fılologııa ǵylymdarynyń doktory, professor Qanseıit Ábdezuly óz baıandamasynda О́tegen Oralbaıuly shyǵarmashylyǵyna sholý jasaı otyryp, mereıtoı ıesiniń aqyndyq syry men qaıratkerlik qyryna toqtaldy.
– О́tegen Oralbaıuly syrshyl, oıly, lırık aqyn. Onyń búginge deıin jaryq kórgen on tórt jınaǵyna engen barlyq óleńderinde, dastandary men tolǵaýlarynda azamattyq asqaq ún jatyr. Adamgershilik, ımandylyq, kisilik sekildi taqyryptardy altyn arqaý etken jyrlardyń estetıkalyq áseri tereń. Jarty ǵasyrǵa jýyq qazaq poezııasy men qazaq ádebıettaný ǵylymynyń qara shańyraǵynda qalamyna shań juqtyrmaı oıly, parasatty dúnıelerdi qazaq oqyrmanyna usynýmen kele jatqan jany jaısań, júregi jomart qalamger tynysy keń, tolymdy shyǵarmalarymen ádebıettegi óziniń aıshyqty ornyn belgiledi, – dedi Qanseıit Ábdezuly.
Qazaqstan Jazýshylar odaǵy tóraǵasynyń orynbasary Mereke Qulkenov, eńbek jolyn tilshilik tirshilikten bastaǵan qalamgerdiń jýrnalıstik jolda talaı taǵdyrǵa arasha bolǵanyn, óleń ólkesine qadam basqan qanshama jastyń tusaýyn keskenin tilge tıek etti.
«О́tegen Oralbaıuly «Lenınshil Jas» (qazirgi Jas Alash) basylymynyń ádebıet bólimin basqarǵan tusynda poezııaǵa ińkár qanshama talanttyń óleńin jarııalap, jurtqa tanystyrdy. Sol jas talanttar búgingi poezııanyń kóshinde ózindik orny bar el tanyǵan aqyndarǵa aınaldy. Ádebıetke adal azamat memlekettik qyzmettiń minberinen de ulttyń sózin sóılep, rýhanııattyń joǵyn joqtady», deıdi Mereke Qulkenov.
Belgili ǵalym Tursynbek Baımoldaev О́tegen Oralbaıulynyń sózine jazylǵan ánder ulttyq mádenıettiń jaýharyna qosylyp, aqynnyń qalamynan órilgen «Jas jubaılar jyry» sezim bıiginde tabysqan ǵashyqtardyń gımnine aınalǵanyn atap ótti.
Jazýshy Dandaı Ysqaq uzaq jyldar boıy ádebıet pen memlekettik qyzmetti qatar ushtastyrǵan О́tegen aqynnyń azamattyq kelbetine toqtalyp, bolmysy taza boıamasyz jyr Altaı men Atyraýdyń, Arqa men Alataýdyń arasyndaǵy qalyń qazaqtyń júrek tórinen oryn alýyn aqynnyń jan tazalyǵyna balady.
Búgingi qazaq poezııasynyń órisi, О́tegen Oralbaıuly jyrlarynyń ózine tán kórkemdik keńistigi týrasynda sóz qozǵaǵan professor Zeınol-Ǵabden Bısenǵalı, shalqar shabyttan qýat alǵan shaıyrdyń qajylyq sapary áserinen jazylǵan mináját stılindegi «Qaǵbanyń qarlyǵashtary» jyr jınaǵy adamdy kisilikke, rýhanı kemeldikke bastaıtyn aıtýly eńbek dep baǵalady.
О́tegen Oralbaıulynyń qalamynan órilgen tanymdyq zertteýler, ádebı taldaýlar ǵylymı qoǵamdastyqtyń ıgiligine aınalyp, bolashaq ustazdar men jýrnalıster úshin máni zor mura ekenin atap ótken fılologııa fakýltetiniń dekany Baıan Joldasbekova mereıtoı ıesi bilim alǵan fakýltet óz túlegin maqtan tutatynyn aıtyp, aqynǵa alǵys bildirdi.
О́z kezeginde QazUÝ-dyń ǵylymı-ınnovasııalyq qyzmet jónindegi prorektory Haıdar Tasybekov, Jýrnalıstıka fakýltetiniń dekany Nurjan Qýantaıuly, Tarıh fakýltetiniń dekany Dosbol Baıqonaqov, ustaz-ǵalym Sansyzbaı Mádıev, professor Anarbaı Buldybaı, ustaz-ǵalym Qońyr Muqataeva, tarıhshy Bereket Káribaev 70 jasqa úlken shyǵarmashylyq tabyspen kelgen qalamgerdiń qoltańbasy ult rýhanııatyna qosylǵan súbeli úles ekenin aıtty.
Ádebıet pen mádenıettiń ótkeni men búgini zerdelengen basqosýda fılologııa fakýltetiniń stýdentteri О́tegen Oralbaıuly óleńderin jatqa oqydy. Kezdesýdi qorytyndylaǵan QazUÝ-dyń dosenti Almasbek Máýlenov, О́tegen Oralbaıuly tvorchestvasyn bir arnada toǵystyratyn on tomdyq shyǵarmalar jınaǵy jaryq kórýdi bastaǵanyn jetkizdi.
Is-sharaǵa kelgender mereıtoı ıesimen estelik sýretke túsip, kitaphana alańyndaǵy О́. Oralbaıuly shyǵarmashylyǵyna arnalǵan arnaıy kórmeni tamashalady.
