Tártip saqshylary 850 túp ósip turǵan, 20 túp shabylǵan ósimdik jáne 5 plastmass ydystaǵy marıhýanaǵa uqsas esirtki zatyn tárkiledi.
«Jedel-izdestirý is-sharalarynyń nátıjesinde polısııa qyzmetkerleri Qyzylorda oblysynyń eki turǵynyn anyqtady, olardyń bireýi buryn sotty bolǵan. Qazirgi ýaqytta atalǵan jaıt boıynsha sotqa deıingi tergeý amaldary júrgizilýde. Kúdiktiler qamaýǵa alyndy», dep jazylǵan habarlamada.
Bul derek QR QK-niń 300-babynyń 2-bóligi (Quramynda esirtki zattary bar, ósirýge tyıym salynǵan ósimdikterdi zańsyz ósirý) boıynsha tirkelip, zattaı dáleldemeler saraptamaǵa jiberilgen. Zertteý qorytyndysy boıynsha 15 keliden astam keptirilgen marıhýana ekendigi anyqtaldy.
