Kezdesý barysynda azamattardy zeınetaqynyń barabar mólsherimen qamtamasyz etý úshin qabyldanatyn sharalar usynyldy. Qozǵalys ókilderine Memleket basshysynyń zeınetaqy júıesiniń tıimdiligin arttyrý týraly Joldaýda aıtylǵan tapsyrmalary boıynsha túsiniktemeler berildi. Atap aıtqanda, josparlanǵan áıelderdiń zeınetkerlik jasyn 61 jas deńgeıinde uzartý týraly sheshimdi 2028 jylǵa deıin toqtata turý jóninde, keıingi 3 jyl ishinde jıyntyq zeınetaqyny orta eseppen 27%-ǵa arttyrý týraly sheshimder túsindirildi. Bul ósim 2 mln-nan astam zeınetkerdi, sondaı-aq 1998 jylǵa deıin eńbek ótili bar bolashaq zeınetkerlerdi qamtıdy.
Kezdesýde sondaı-aq zeınetkerlikke erte shyǵýdyń qoldanystaǵy zańnamalyq negizderi belgilendi, onyń ishinde zeınetaqy jınaqtary jetkilikti bolǵan kezde zeınetaqy annýıteti shartyn jasasý tásili de aıtyldy. Bul rette kezdesýge qatysýshylarǵa azamattar úshin onyń qoljetimdiligin qamtamasyz etý maqsatynda zeınetaqy annýıtetiniń qunyn aıqyndaý kezinde paıdalanylatyn parametrlerdi qaıta qaraý boıynsha Ulttyq bankpen birlesken jumys bastalǵany týraly habardar etildi. Sondaı-aq zeınetkerlik jas aldyndaǵy adamdarǵa zeınetkerlikke merziminen buryn shyǵýdy usyný boıynsha QTJ tájirıbesin taratý múmkindigi máselesi qaraldy. Bul rette jumys berýshi ujymdyq shartqa sáıkes qyzmetker jalpyǵa birdeı belgilengen zeınetkerlik jasqa tolǵanǵa deıin oǵan tólemderdi júzege asyrýǵa mindettenedi. Zeınetkerlik jas aldyndaǵy jumys istemeıtin áıelderdi jumyspen qamtýdyń belsendi sharalaryna tartý maqsatynda mınıstrlik «Kúmis jas» jobasyn iske asyrýda. Joba sheńberinde áıelderdi jeke kómekshiler, kútim jónindegi áleýmettik qyzmetkerler, áleýmettik jumys jónindegi konsýltanttar, jas qyzmetkerler úshin tálimgerler jáne t.b. qyzmetshi retinde jumysqa ornalastyrý júzege asyrylady, kelesi jyldan bastap oǵan 50 jastan asqan adamdar (qazir tek 58 jastan asqan adamdar) qatysa alady. Bul jobaǵa qatysý kezeńi eńbek ótiline esepteletin bolady, al 30 AEK (2023 jyly 100 myń teńge) mólsherindegi tólem somasy zeınetaqyny esepteý kezinde tabys retinde qaralady dep kózdelýde. Osylaısha, atalǵan áıelder sanaty zeınetke shyqqan kezde qazirgi kezdegideı 20 myń teńge emes, jobaǵa qatysý ótiline baılanysty 70 myń teńgege deıin alatyn bolady.
1998 jylǵa deıin eńbek ótili joq jáne tek jınaqtaýshy zeınetaqy júıesinen zeınetaqy alatyn adamdar úshin jańa shart – jınaqtaýshy zeınetaqy engiziledi. Bul júıeden tólemder jumys berýshiler óz qyzmetkerleriniń paıdasyna júzege asyratyn qosymsha jarnalar esebinen tólenedi.
Osylaısha, qabyldanǵan sharalar zeınetaqynyń barabar mólsherin tek qazirgi ǵana emes, bolashaq zeınetkerlerdi de qamtamasyz etýge múmkindik beredi.
