Erlan Omarov «Egemen Qazaqstan»
«Sońǵy birneshe onjyldyqtardaǵy tabıǵı apattar, ásirese klımattyń ózgerýimen jáne olardyń saldarymen baılanysty ózgerister shamamen 3 trln AQSh dollaryna baǵalandy. Oǵan qosa, ókinishke qaraı, senimsizdik, shıelenister men qaqtyǵystar halyqaralyq qatynastarǵa qaıta oraldy», dedi Prezıdent Álemdik jáne dástúrli dinder lıderleriniń otyrysynda.
Sondaı-aq Memleket basshysy sanksııalar men kúsh qoldaný eshqashan máseleni sheshpeıtinin aıtty.
«Búgingi syn-qaterlermen kúresý úshin biz ne nársege súıene alamyz? Tarıh bir ǵana jaýap beredi – izgi nıet, dıalog jáne yntymaqtastyq. Tabysqa jetýdiń basqa balamasy joq. Qazaqstan árdaıym kelispeýshilikterdi BUU Jarǵysy rýhynda kelissózder ústelinde retteýge tyrysty. Sanksııalar, sanksııalar qaýpi jáne kúsh qoldaný eshqashan máseleni sheshpeıdi», dedi Q. Toqaev.
