Qasym-Jomart Toqaev Saýd Arabııasy Koroldiginiń Islam isteri, ýaǵyz jáne nasıhat jónindegi mınıstri sheıh Abdýllatıf ben Abdýlazız Abdrahman Ál ash-Sheıhpen kezdesý ótkizdi.
Memleket basshysy ıslam álemine qasıetti bolǵan Mekke men Medıneniń ornalasqan mekeni – Saýd Arabııasy ókilderiniń búgingi Álemdik jáne dástúrli dinder kóshbasshylarynyń basqosýyna qatysýy óte mańyzdy ekenin atap ótti.
Kezdesý barysynda Qasym-Jomart Toqaev Qos Kıeniń Saqshysy, Korol Salmannyń Arnaıy ókili retinde saýd delegasııasyn bastap kelgeni úshin mınıstrge rızashylyǵyn bildirdi.
Saýd Arabııasy Koroldiginiń Islam isteri, ýaǵyz jáne nasıhat jónindegi mınıstri Álemdik jáne dástúrli dinder kóshbasshylarynyń basqosýy bedeldi jahandyq dıalog alańyna aınalǵanyn aıtty.
Kezdesý barysynda Qazaqstan men Saýd Arabııasy arasyndaǵy gýmanıtarlyq yntymaqtastyqty odan ári nyǵaıtý perspektıvalary talqylandy.
