Qurmetti ataq qaıyrymdylyq jasaýshylarǵa, qaıyrymdylyq uıymdaryna, qaıyrymdylyq eriktilerine beriledi.
Qurmetti ataq berý 5 qyrkúıek - Halyqaralyq Qaıyrymdylyq kúnine oraılastyrylady.
Erejege sáıkes, qurmetti ataq quramyna múddeli memlekettik organdardyń, uıymdardyń ókilderi, qoǵam qaıratkerleri, sarapshylar, Parlament depýtattary kiretin komıssııanyń sheshimi negizinde beriledi.
Qurmetti ataqty berýge usynymdy qabyldaý týraly habarlandyrýdy ýákiletti organ memlekettik organdardyń ınternet-resýrstarynyń biryńǵaı platformasynda jáne áleýmettik jelilerdegi resmı akkaýnttarda ornalastyrady.
Komıssııa músheleri usynymdardy alǵan kúnnen bastap kúntizbelik 10 kún ishinde olardy 3 ólshemshart boıynsha 0-den 5 balǵa deıin zerdelep, baǵalaıdy:
- Áleýmettik máselelerge baǵyttalǵan, qoǵamdyq paıdaly mindetterdi sheshýge qosqan úlesi;
- Qaıyrymdylyq qyzmettiń sandyq nátıjeleriniń bolýy;
- Qysqa merzimdi jáne uzaq merzimdi perspektıvada iske asyrýdyń turaqtylyǵy men áseri.
Árbir krıterıı boıynsha balldar jınaqtalyp, jalpy ball qoıylady.
Komıssııanyń qurmetti ataq berýge úmitkerdi bekitý týraly sheshimi otyrysta ashyq daýys berý arqyly kópshilik daýyspen qabyldanady.
Úmitker baǵalaý paraǵyn irikteýdiń úsh krıterııiniń birinde «0» ball alǵan jaǵdaıda qurmetti ataq berilmeıdi.
