Jıynda Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Smart Data Ukimet memlekettik platformasyn damytý aıasynda áleýmettik qoldaý sharalaryn proaktıvti túrde taǵaıyndaý úshin «Otbasynyń sıfrlyq kartasy» aqparat júıesi ázirlengenin habarlady.
Elimizdiń barlyq azamattary júıede 5,9 mln otbasyǵa, ekonomıkalyq, áleýmettik jáne turǵyn úı jaǵdaılary, densaýlyq kórsetkishteri men bilimi boıynsha 5 sanatqa bólingen. Osy málimetter negizinde qajetti qoldaý sharalary anyqtalady, sodan keıin azamattarǵa olardy qabyldaý týraly SMS-habarlama jiberiledi.
Premer-Mınıstr júrgizilip jatqan jumysty qoldap, málimetterdi tıimdi taldaý jáne halyqqa memlekettik qyzmet kórsetý sapasyn arttyrý úshin biryńǵaı platforma bazasynda memlekettik organdar men kvazımemlekettik kompanııalardyń aqparattyq júıeleriniń ıntegrasııasyn jandandyrýdy tapsyrdy.
Jıynda Densaýlyq saqtaý mınıstrliginiń jáne vedomstvoǵa qarasty jáne medısınalyq uıymdarynyń barlyq aqparattyq júıelerin biriktiretin eHealth elektrondyq densaýlyq saqtaý arhıtektýrasyn damytý máseleleri zerdelendi. Bul azamattardyń ulttyq elektrondyq densaýlyq pasportyn tolyqqandy qalyptastyrýǵa yqpal etip, árbir naqty adamnyń qajettiligine baǵdarlanǵan medısınalyq kómektiń sapasy men qoljetimdiligin arttyrýdy, sondaı-aq jalpy pasıentterdiń densaýlyq jaǵdaıyn úzdiksiz baqylaýǵa kóshýdi qamtamasyz etedi.
Otyrys barysynda besinshi býyndaǵy 5G/IMT uıaly baılanys standartyn engizý máselesi qaraldy. Jaqyn arada tıisti radıojıilikterdi bólý boıynsha ashyq aýksıon ótkiziledi. Sıfrlyq damý, ınnovasııalar jáne aeroǵarysh ónerkásibi mınıstrliginiń málimetteri boıynsha, básekelestik jaǵdaılardy qamtamasyz etý maqsatynda oǵan 100-ge jýyq kompanııa qatysa alady.
