Jıynda oblys ákimi Arhımed Muhambetov, tótenshe jaǵdaılar mınıstri Iýrıı Ilın, ındýstrııa jáne ınfraqurylymdyq damý mınıstri Qaıyrbek О́skenbaev, ekologııa, geologııa jáne tabıǵı resýrstar mınıstri Serikqalı Brekeshev, aýyl sharýashylyǵy mınıstri Erbol Qarashókeev, sondaı-aq ulttyq ekonomıka vıse-mınıstri Baýyrjan Omarbekov baıandama jasady.
Premer-Mınıstr jaqynda Qostanaı oblysynda bolǵan orman órtteri jergilikti turǵyndar men ınfraqurylymǵa aıtarlyqtaı zııan keltirgenin, adam ólimine ákelgenin atap ótti. Osyǵan baılanysty Álıhan Smaıylov orman sharýashylyǵy tóńireginde qutqarý jumystaryn júrgizý qajettigin atap ótti.
«Tikushaq tehnıkasynyń jaqyn jerden sý alyp, órtti sóndirýin jeńildetý maqsatynda orman alqaptarynyń janyndaǵy sý qoımalarynyń túbin tereńdetý jumystaryn júrgizý qajet. Biz tikushaqtar parkin úsh ese ulǵaıtý úshin qosymsha sýqashyrtqy qurylǵylardy satyp alamyz, olardy órt sóndirý úshin paıdalanýǵa bolady. Bul Qostanaı oblysyn qosa alǵanda, barlyq óńirlerge qatysty», dedi Álıhan Smaıylov.
Keńes barysynda Premer-Mınıstr óńir ákimdiginiń bilim berý salasyndaǵy kemshilikterine de nazar aýdardy. Álıhan Smaıylov óńirdiń 7 mektebinde kúrdeli jóndeý jumystarynyń aıaqtalý merziminiń keshiktirilgenin, sonyń saldarynan balalar beıimdelmegen jerlerde (balabaqshalar, mádenıet úıleri, aýyl ákimdikteriniń ǵımarattary) oqýǵa májbúr ekenin atap ótti.
«Bul máseleni sheshý úshin jedel sharalar qabyldaý qajet. Jalpy bilim berý salasyna jaýapkershilikpen qaraý kerek, óıtkeni balalarǵa oqý úshin tıisti jaǵdaılar jasalýy tıis», dep atap ótti Álıhan Smaıylov.
Ekonomıkalyq máseleler boıynsha Premer-Mınıstr oblys turǵyndarynyń ál-aýqatyn arttyrý úshin búkil óńirdiń áleýmettik-ekonomıkalyq damýyna serpin bere alatyn ınvestısııalyq jobalardy iske qosý boıynsha jumys júrgizý qajettigin atap ótti.
«Bul ákimdik basshylyǵynyń basty mindetteriniń biri. Ol úshin memleket tarapynan barlyq jaǵdaı jasalǵan, turaqty negizde qajetti qoldaý kórsetilip jatyr», dedi Álıhan Smaıylov.
Onyń aıtýynsha, «Qýatty óńirler – el damýynyń draıveri» ulttyq jobasy jáne «Aýyl – el besigi» baǵdarlamasy aıasynda Qostanaı oblysyna 32 aýyldyq eldi mekende 75 jobany iske asyrýǵa 6,7 mlrd teńge bólindi. Jalpy óńirdi damytýǵa 2022 jyly respýblıkalyq bıýdjetten 115,9 mlrd teńge, sondaı-aq bıýdjetti naqtylaý aıasynda taǵy 31,7 mlrd teńge bólindi.
«Bul qarajat eń aldymen áleýmettik qajettilikterge, oblystyń ınfraqurylymy men agroónerkásiptik keshenin damytýǵa baǵyttalǵan. Ákimdik atalǵan qarajattyń tıimdi paıdalanylýyn qamtamasyz etýi tıis», dep atap ótti Premer-Mınıstr.
Álıhan Smaıylov azyq-túliktiń jetispeýshiligi men baǵasynyń negizsiz ósýine jol bermeý boıynsha josparly jumys júrgizý qajettigine de nazar aýdardy. Onyń aıtýynsha, ákimdik osy baǵytta qoldanystaǵy tetikterdi paıdalanýdy jandandyrýy kerek.
Sonymen qatar Premer-Mınıstr óńir ekonomıkasyn odan ári ártaraptandyrýdyń mańyzdylyǵyn atap ótti. Máselen, 2022 jyly oblysta $38 mlrd-qa 45 jańa jobany iske qosý josparlanǵan.
«Investısııalyq jobalardy iske qosý jańa jumys oryndarynyń ashylýyna septik etedi. Oblys ákimdigi ınvestorlar úshin barlyq qajetti jaǵdaılardy jasaý jáne belgilengen jobalardy ýaqytyly iske qosý jónindegi jumysty jalǵastyrýy kerek», dedi Álıhan Smaıylov.
Qorytyndylaı kele, Premer-Mınıstr jylýmen jabdyqtaý jobalaryn iske asyrýǵa qarajat bólý máselesin pysyqtaýdy, «Qostanaı-Denısovka» kólik jolyn rekonstrýksııalaý jónindegi jobany ýaqytyly qarjylandyrýdy qamtamasyz etýdi, 2022 jyldyń sońyna deıin jergilikti mańyzy bar joldardyń jaǵdaıyn jaqsartý jóninde sharalar qabyldaýdy tapsyrdy.
Budan basqa, Álıhan Smaıylov oblysta bolashaqta kópfýnksıonaldy medısınalyq mekeme bolyp ulǵaıtylatyn jańa perınataldyq ortalyq salý máselesin, Áýlıekól aýdanynyń «Dostyq» balalar mádenı jazǵy saýyqtyrý keshenin qalpyna keltirý úshin qarajat bólý, sondaı-aq Tobyl qalasynda emhana qurylysyn qarjylandyrý jáne basqa da birqatar máseleni pysyqtaýdy tapsyrdy.
