О́rtten keıingi jaǵdaı túzelip keledi

Qurylys onlaın rejimde baqylanady

Baspana qurylysyna arnaıy bólingen 12 gektar aýmaqta árqaısysy 100 sharshy metrlik 91 úı salynyp jatyr. Ár úıge 10 sotyq jer bólinip, gaz, sý, elektr energııa­symen qamtamasyz etiledi. Kóshelerge asfalt tóseledi. Oblys ákiminiń birinshi orynbasary Ǵaýez Nurmuhambetovtiń aıtýynsha, QazQSǴZI jobalaý ınstıtýty turǵynjaılardy sý basýdyń aldyn alý maqsatynda geologııalyq zertteý júrgizgen. Jańa salynyp jatqan úılerdiń irgetasy jerasty sýlarynan 2,5 m joǵary. 7 qyrkúıekte 13 merdiger kompanııa qurylys jumystaryna kirisip ketken. Búgingi tańda 91 úıdiń qazanshuńqyry qazylyp bitti. 55 úıdiń irgetasy quıylyp, birneshe úıge irgetas bloktary ornatyldy.

Premer-Mınıstrdiń aıtýynsha, alańda ornatylǵan beınekameralar ar­qyly qurylys barysy onlaın rejimde baqylanyp otyr. Qurylys jumys­taryna Úkimet 2,2 mlrd teńgeden astam qa­ra­jat bólgen. Á.Smaıylov merdiger kom­pa­nııalardyń basshylarymen de áńgi­me­lesip, olarǵa ózderine tapsyrylyp otyr­ǵan mindetti sapaly ári ýaqtyly oryndap shyǵý kerek ekenin qadap tapsyrdy.

– Qazir ákimdik pen merdigerlerdiń aldynda qurylys jumystaryn belgilengen merzimde, ıaǵnı eki aıdyń ishinde sapa­ly aıaqtaý mindeti tur. Bul másele Mem­leket basshysy men Úkimettiń erekshe ba­qy­laýynda. Sondyqtan tapsyrmaǵa asa ja­ýap­kershilikpen qaraý kerek, – dedi Úkimet basshysy.

Premer-Mınıstr odan keıin Áý­lıekól aýylyndaǵy mekteptiń janynan qurylǵan evakýasııalyq pýnktke baryp, zardap shekkendermen kezdesti.

– Turǵyndardyń alapat tabıǵı órt­ter­diń saldarynan qandaı qıyn jaǵdaıǵa tap bolǵanyn bilemiz. Osyndaı qıyn sátte memleket shuǵyl sharalar qabyldap, bar­lyq qajetti qoldaýdy kórsetti. Bul ju­mys áli de jalǵasady, – dedi Á.Smaıy­lov.

Úkimet basshysy óńirge orasan shy­ǵyn ákelgen tabıǵı apatqa baılanys­ty Prezıdenttiń shuǵyl sheshimder qa­byl­dap, naqty tapsyrmalar berip, jaǵdaıdy jeke baqylaýyna alǵanyn, sondaı-aq oqıǵa ornyna ózi arnaıy kelip, eldiń eńsesin kóterip ketkenin atap ótti.

– Osyndaı qıyn-qystaý kezeńde bos baıbalamǵa salynbaı, apat saldarynan týyndaǵan aýyr jaǵdaıda sabyrdan aspaı, tózimdilik tanytqandaryńyz úshin alǵys aıtamyn. Sondaı-aq halqymyzdyń birligin kórsetip, otandastaryna qol­ushyn sozǵan barlyq qazaq­standyqtarǵa da alǵys bildirgim keledi, – dedi Á.Sma­ıy­lov.

Kezdesý barysynda órshigen órt kezin­de qaýipsiz jerlerge kóshirilgen tur­ǵyndar Úkimet basshysyna memlekettiń der kezinde jedel sharalar qabyldap, qoldaý kórsetkeni úshin alǵys aıtty.

О́rt sóndirgish tikushaqtar sany úsh ese artady

Oblysqa jumys sapary barysynda Premer-Mınıstr ortalyq memlekettik organdar men ákimdik basshylarynyń qatysýymen óńirdiń keshendi áleýmettik-ekonomıkalyq damý máseleleri jóninde keńes ótkizdi.

Jıyn barysynda oblys ákimi Arhı­med Muhambetov, Tótenshe jaǵ­daı­lar mınıstri Iýrıı Ilın, Indýs­trııa jáne ınfraqurylymdyq damý mınıstri Qaıyrbek О́skenbaev, Eko­lo­gııa, geologııa jáne tabıǵı resýrs­tar mınıstri Serikqalı Brekeshev, Aýyl sharýashylyǵy mınıstri Erbol Qara­shó­keev, sondaı-aq Ulttyq ekonomıka vıse-mı­nıstri Baýyrjan Omarbekov baıandama jasady.

Premer-Mınıstr jaqynda Qos­ta­naı oblysynda bolǵan orman órti jergilikti turǵyndar men ınfra­qu­ry­lymǵa aıtarlyqtaı zııan keltirgenin, órt kezinde bir zeınetker qaza tapqanyn atap ótti. Osyǵan baılanysty Á.Smaıylov or­man sharýashylyǵy tóńiregindegi qut­­qarý qyzmetin jetildirip, qýatty tehnı­­kamen qamtý jumystaryn júrgizý qajet­tigin aıtty.

– Tikushaq tehnıkasynyń jaqyn jerden sý alyp, órtti sóndirýin jeńildetý maqsatynda orman alqaptarynyń janyn­daǵy sý qoımalarynyń túbin tereń­detý jumystaryn júrgizý qajet. Biz tikushaqtar parkin úsh ese ulǵaıtý úshin qosymsha sýbúrkigish qurylǵylardy satyp alamyz, olardy órt sóndirý úshin paıdalanýǵa bolady. Bul Qostanaı oblysyn qosa alǵanda, barlyq óńirlerge qatysty, – dedi Á.Smaıylov.

Bilim salasyn synǵa aldy

Keńes barysynda Premer-Mınıstr óńir ákimdiginiń bilim berý salasyndaǵy kemshilikterine de nazar aýdardy. Á.Sma­ıylov óńirdiń 7 mektebinde kúrdeli jón­deý jumystarynyń aıaqtalý merziminiń keshiktirilgenin, sonyń saldarynan balalar balabaqsha, mádenıet úıleri men aýyl ákimdikteriniń ǵımarattarynda oqýǵa májbúr ekenin atap ótti.

– Bul máselelerdi sheshý úshin jedel sharalar qabyldaý qajet. Jalpy bilim berý salasyna jaýapkershilikpen qaraý kerek, balalardyń sapaly bilim alýy úshin tıisti jaǵdaılar jasalý kerek, – dedi Á.Smaıylov.

Ekonomıkalyq máseleler boıynsha Premer-Mınıstr oblys turǵyndarynyń ál-aýqatyn arttyrý úshin búkil óńirdiń áleýmettik-ekonomıkalyq damýyna serpin bere alatyn ınvestısııalyq jobalardy iske qosý boıynsha jumys júrgizý qajettigin qadap aıtty. Bul – ákimdiktiń basty mindetteriniń biri. Premer-Mınıstrdiń aıtýynsha, «Qýatty óńirler – el damýynyń draıveri» ulttyq jobasy jáne «Aýyl – el besigi» baǵdarlamasy aıasynda Qostanaı oblysyna 32 aýyldyq eldi mekende 75 jobany iske asyrýǵa 6,7 mlrd teńge bólingen. Jalpy óńirdi damytýǵa 2022 jyly respýblıkalyq bıýdjetten 115,9 mlrd teńge, sondaı-aq bıýdjetti naqtylaý aıasynda taǵy 31,7 mlrd teńge qarastyrylǵan.

– Bul qarajat eń aldymen áleý­met­tik qajettilikterge, oblystyń ınfra­qu­rylymy men agroónerkásiptik keshenin damytýǵa baǵyttalǵan. Ákimdik atalǵan qa­ra­jattyń tıimdi paıdalanylýyn qamta­masyz etýi tıis, – dedi Premer-Mınıstr.

Á.Smaıylov azyq-túliktiń jetis­peý­shiligi men baǵanyń negizsiz ósýine jol bermeý boıynsha josparly jumys júrgizý qajettigine de nazar aýdaryp, ákimdikke osy baǵytta qoldanystaǵy tetikterdi paıdalanýdy jandandyrýdy tapsyrdy. Sonymen qatar óńir ekonomıkasyn odan ári ártaraptandyrýdyń mańyzdylyǵyna toqtaldy. Máselen, 2022 jyly oblysta quny 38 mlrd dollarǵa jýyqtaıtyn 45 jańa jobany iske qosý josparlanǵan.

– Investısııalyq jobalardy iske qosý jańa jumys oryndarynyń ashylýyna septigin tıgizedi. Oblys ákimdigi ınvestorlar úshin barlyq qajetti jaǵdaıdy jasaý jáne belgilengen jobalardy ýaqtyly iske qosý jónindegi jumysty jalǵastyrýy kerek, – dedi Á.Smaıylov.

Jıyn sońynda Premer-Mınıstr jy­lýmen jabdyqtaý jobalaryn iske asyrýǵa qarajat bólý máselesin pysyq­taýdy, «Qostanaı-Denısov» kólik jo­lyn rekonstrýksııalaý jónindegi joba­ny ýaqtyly qarjylandyrýdy qamta­ma­syz etýdi, 2022 jyldyń sońyna deıin jergilikti mańyzy bar joldardyń jaǵda­ıyn jaqsartý jóninde sharalar qabyldaýdy tapsyrdy.

Budan ózge, Úkimet basshysy óńirde aldaǵy ýaqytta kópfýnksıonaldy medı­sınalyq mekeme bolyp ulǵaıty­latyn jańa perınataldyq ortalyq salý máselesin, Áýlıekól aýdanynyń «Dos­tyq» balalar mádenı jazǵy saýyqtyrý keshenin qalpyna keltirý úshin qarajat bólý, sondaı-aq Tobyl qalasynda emhana qurylysyn qarjylandyrýdy jáne basqa da birqatar máseleni pysyqtaýdy tapsyrdy.

Qostanaı oblysy