Medısına • 19 Qyrkúıek, 2022

Hırýrg balaqannyń tusaýyn kesti

106 ret kórsetildi

Almatydaǵy Balalar shuǵyl medısınalyq kómek kórsetý ortalyǵynyń dárigerleri dertti bolyp ómirge kelgen Ersaıynǵa asqazan-ishek joldarynyń týabitti kináraty – traheoóńeshtik jylankóz degen dıagnoz qoıady. Mundaı keselmen týǵan náreste tamaq ishe almaıdy. Sondyqtan sábı ekinshi kúni perzenthanadan balalar hırýrgııasy aýrýhanasyna aýystyrylǵan.

«Sol kúni balany operasııaǵa daıyndadyq. Oǵan bizdiń orta­lyq­qa tıesili jańa tehnologııa bo­ıynsha torakoskopııalyq ádis­pen óńeshtiń tikeleı anastomozy jasaldy. 10 kún ishinde kishkentaı pasıent stasıonarymyzda emdelip, úıge shyǵaryldy. Ol bizdiń klınıkamyzda 1 jasqa tolǵansha baqylaýda boldy. Qazir bala bir jas eki aıǵa toldy. Búgin onyń ata-ájesi men áke-sheshesi ulttyq dástúrimiz – tusaýkeser rásimin maǵan tapsyrdy. Olar balasynyń bolashaqta dáriger atanyp, basqalardyń ómirine arasha túsetin mamandyq ıesi bolǵanyn qalaıdy. Bul dás­túr­di tek tańdaýly adamǵa ǵana senip tapsyrady. Balanyń bolashaq taǵdyryna qatysty bol­ǵanyma, osyndaı qasterli min­det bizge buıyrǵanyna qýa­nyshtymyz. Jyl saıyn osyndaı 5-6 balanyń tusaýyn kese­miz», deıdi balalar hırýrgi, qa­byl­daý bóliminiń meńgerýshisi Meıirjan Qurmanalıev.

Aıtqandaı, mundaı operasııalar Balalar jedel medı­sı­nalyq járdem kórsetý orta­ly­ǵyn­da 2013 jyldan beri jasalady. Toǵyz jyl ishinde 60-qa jýyq jańa týǵan nárestege operasııa jasaldy. Byltyrdyń ózinde neo­nataldy hırýrgter 10 sábıge operasııa jasady. Dárigerlerdiń tá­jirı­besi men biliktiligi 100% jaǵ­daıda oń nátıjege qol jet­kizýge múmkindik beredi. Búginde aýrýhana Almaty qalasynyń tur­ǵyndaryna ǵana emes, úlken qa­laǵa elimizdiń ózge óńir­le­rinen em izdep kelgen bala­lar­ǵa da kómek kórsete alady.

 

ALMATY

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 12:12

Prezıdent Jambyl oblysyna bardy

Qazaqstan • Búgin, 11:43

Uqsas jańalyqtar