Qujat memlekettik ákimshilik qyzmetshilerge olardyń jumysyn baǵalaý nátıjeleri boıynsha aqshalaı syıaqy tóleý tártibin bekitýdi kózdeıdi.
Máselen, «A» korpýsynyń memlekettik ákimshilik qyzmetshilerine bonýstar tóleý «A» korpýsynyń memlekettik ákimshilik qyzmetshileriniń qyzmetin baǵalaý ádistemesine sáıkes júrgiziletin baǵalaý nátıjeleri negizinde taǵaıyndalady.
«B» korpýsynyń memlekettik ákimshilik qyzmetshilerine bonýstar tóleý «B» korpýsy memlekettik ákimshilik qyzmetshileriniń qyzmetin baǵalaýdyń úlgilik ádistemesine sáıkes júrgiziletin baǵalaý nátıjeleri negizinde taǵaıyndalady.
Bonýstardy tóleý memlekettik ákimshilik qyzmetshilerge eńbekaqy tóleýdiń biryńǵaı júıesinde bonýstyq qordy qalyptastyrýǵa kózdelgen qarajat esebinen júrgiziledi.
Bul rette bonýstar jyl qorytyndysy boıynsha tólenedi.
Ákimshilik memlekettik qyzmetshige ol synaq merzimin aıaqtaǵan jáne esepti kezeńde onyń qyzmetin baǵalaý bastalǵan kúnge keminde úsh aı memlekettik qyzmette jumys istegen jaǵdaıda baǵalaý nátıjeleri boıynsha bonýs tólenedi dep kózdelýde.
Ákimshilik memlekettik qyzmetshi bir laýazymnan memlekettik organ ishindegi nemese bir memlekettik organnan basqa memlekettik organǵa bir jyl ishinde basqa laýazymǵa aýysqan kezde bonýs ol buryn atqarǵan laýazymyndaǵy naqty jumys istegen ýaqytyna, sondaı-aq talaptarǵa sáıkes kelgen jaǵdaıda jańa atqarǵan laýazymy boıynsha proporsıonaldy túrde esepteledi.
Qujat 3 qazanǵa deıin jarııa talqylaý úshin Ashyq NQA saıtynda ornalastyrylǵan.
«A» korpýsyna komıtetterdiń tóraǵalary, jaýapty hatshylar, apparat basshylary, sondaı-aq oblystar, Astana, Almaty, Shymkent ákimderi apparattarynyń basshylary kiredi.
«B» korpýsyna «A» korpýsyna engizilmegen oryndaýshy memlekettik qyzmetshiler, onyń ishinde Parlament palatalary apparatynyń, Premer-Mınıstr Keńsesiniń, Konstıtýsııalyq Keńes apparatynyń, Ortsaılaýkomnyń jáne t. b. qyzmetkerleri jatady.
