Qujat tutynýshylardyń quqyqtaryn qorǵaý salasyndaǵy qoǵamdyq qatynastardy rettep, tutynýshylardyń quqyqtaryn qorǵaýdyń quqyqtyq, ekonomıkalyq jáne áleýmettik negizderin aıqyndaıdy.
Atap aıtqanda, qujat ombýdsmenniń tutynýshylardyń quqyqtaryn qorǵaý máseleleri jónindegi fýnksııalary men ókilettikterin, ony taǵaıyndaý jáne qyzmetten bosatý tártibin aıqyndaıdy.
Osylaısha, Prezıdent ombýdsmendi tórt jyl merzimdi qyzmetke taǵaıyndaıdy. Bul rette ombýdsmen merziminen buryn qyzmetinen bosatylýy múmkin.
Ombýdsmen laýazymyna taǵaıyndalatyn úmitker kelesi talaptarǵa jaýap berýi tıis:
- Qazaqstan Respýblıkasynyń azamaty bolý jáne Qazaqstan aýmaǵynda sońǵy on jyl boıy turaqty turý;
- Joǵary bilim;
- Jeke nemese zańdy tulǵalardyń quqyqtary men zańdy múddelerin qorǵaý boıynsha keminde bes jyl jumys tájirıbesiniń bolýy;
- Kem degende 35 bes jasta bolý;
- Qazaq jáne orys tilderin meńgerý.
Zań jobasy tutynýshylardyń quqyqtaryn qorǵaý jónindegi qoǵamdyq birlestikterdiń qyzmetin de aıqyndaıdy.
Tutastaı alǵanda, zań jobasy boıynsha tutynýshylardyń quqyqtary kelesi qaǵıdattarǵa negizdelip qorǵalady:
- Zańdylyq, obektıvtilik jáne jarııalylyq;
- Tutynýshylardy qaýipsiz jáne sapaly taýarlarmen (jumys nátıjelerimen, kórsetiletin qyzmettermen) qamtamasyz etý;
- Tutynýshylardyń óz quqyqtary men zańdy múddelerin qorǵaý máselelerinde quqyqtyq saýattylyǵyn arttyrý jáne aǵartý;
- Tutynýshylardyń quqyqtaryn qorǵaý júıesiniń tıimdiligin qamtamasyz etý;
- Satýshy (daıyndaýshy, oryndaýshy) usynatyn taýarlar (jumystar, kórsetiletin qyzmetter)týraly aqparattyń qoljetimdiligi jáne anyqtyǵy;
- Tutynýshylardyń ál-aýqatyn arttyrý úshin olardyń ekonomıkalyq múddelerine járdemdesý;
- Jeke aqparatty jáne tutynýshylar týraly derekterdi qorǵaýdy qamtamasyz etý.
Zań jobasynyń tolyq nusqasy 7 qazanǵa deıin jarııa talqylaý úshin Ashyq NQA saıtyna ornalastyrylǵan.
