Jol-kólik oqıǵasy 19 qyrkúıek kúni tús kezinde avtobýs aıaldamasyna qarama-qarsy jerde boldy. Polısııa qyzmetkerleriniń aıtýynsha, balalar aıaldamada turǵan avtobýsqa úlgerý úshin jolǵa júgirip shyqqan. Nátıjesinde 2009, 2010 jáne 2011 jyldary týǵan oqýshylar júk kóliginiń astyna túsip, aýrýhanaǵa jatqyzyldy.
«Medısınalyq saraptamaǵa sáıkes, júk kóliginiń júrgizýshisi esirtkige masaıǵan kúıde bolǵan», dep qosty BQO PD baspasóz qyzmeti.
Atalǵan fakti boıynsha QR QK-niń 345-baby 1-bóligi «Jol qozǵalysy erejelerin buzý» boıynsha sotqa deıingi tergeý amaldary júrgizilýde.
