Kesh baǵdarlamasynda Dınanyń «Ásem qońyr», Jambyldyń «Kúláshqa» áni, Evgenıı Brýsılovskııdiń «Qyz Jibek» operasynan «Gákký», Latıf Hamıdıdiń «Qazaq valsi» men «Bulbul», Muqan Tólebaevtyń «Birjan men Sara» operasynan aıtys, «Abaı» operasynan Ajar arııasy, «Qyz Jibek» operasynan «Shegeniń termesi» oryndaldy.
«Konsertte Qazaqstan Respýblıkasynyń Eńbek sińirgen qaıratkerleri – Araılym Rahymqyzy, Svetlana Aıtbaeva, Súndet Baıǵojın, Bıbigúl Januzaq, «Daryn» memlekettik jastar syılyǵynyń laýreaty – Altynbek Ábilda, Halyqaralyq jáne respýblıkalyq baıqaýlardyń laýreattary – Ferýza Rahmetova, Áıgerim Amanjolova, Áıgerim Oraz, Talǵat Allabırınov, Botagóz Táshimova da óner kórsetti», delingen habarlamada.
Qazaq orkestriniń bas dırıjeri – Qazaqstan Respýblıkasynyń eńbek sińirgen qaıratkeri, «Parasat» ordeniniń ıegeri, professor Aıtqalı Jaıymov. Dırıjer – mádenıet qaıratkeri Nurlan Bekenov.
