«2021-2022 jyldar aralyǵynda «Ata-meken 2021» tutyný kooperatıviniń basshysy men menedjerleri ınvestorlarǵa Aqtaý qalasynda jyljymaıtyn múlikti, sondaı-aq jańa jáne paıdalanylǵan avtokólikterdi tıimdi sharttarmen paıyzsyz jáne ústeme tólemsiz bólip tóleý prınsıpi boıynsha satyp alýdy usyndy. Baǵdarlamalar boıynsha 25 000 000 teńgege deıin avtokólik jáne 50 000 000 teńgege deıin jyljymaıtyn múlik satyp alýǵa bolatyn», delingen habarlamada.
Osylaısha, atalǵan kooperatıv áreketterinde qarjylyq pıramıda uıymdastyrýdyń belgileri anyqtalyp otyr. Anyqtalǵan shyǵyn kólemi 50 mıllıon teńgeni quraıdy, kúdiktilerdiń múlki men esepshottaryna tyıym salyndy.
QR QPK 201-bapqa sáıkes tergep-tekserý múddesine qatysty ózge de málimetter jarııa etýge jatpaıdy.
