Úkimet • 21 Qyrkúıek, 2022

Úkimet Qashaǵandaǵy gaz óńdeý zaýytynyń qurylysyn qoldaıdy

241 ret

kórsetildi

1 mın

oqý úshin

Premer-Mınıstr Álıhan Smaıylov «Eni» kompanııasynyń bas óndiristik dırektory Gvıdo Brýskomen, barlaý jáne óndirý jónindegi dırektory Lýka Vınıatımen kezdesti, dep habarlaıdy Egemen.kz Úkimettiń baspasóz qyzmetine silteme jasap.

Aıana TOǴANBEK

Úkimet Qashaǵandaǵy gaz óńdeý zaýytynyń qurylysyn qoldaıdy

Álıhan Smaıylov Qazaqstan Úkimeti kompanııanyń elimizdiń munaı-gaz salasyn damytýǵa qosqan úlesin joǵary baǵalaıtynyn jáne uzaq merzimdi yntymaqtastyqty odan ári damytýǵa nıetti ekenin atap ótti.

«Biz Qashaǵan ken ornyn tolyq kólemde ıgerýge, Qarashyǵanaq ken ornynda munaı men kondensat óndirýdi qoldaýǵa jáne gaz salasyn damytýǵa erekshe nazar aýdaramyz», dedi Premer-Mınıstr.

Sondaı-aq ol Úkimet «QazaqGaz» UK» AQ-men birlesip, Qashaǵanda qýaty 1 mlrd tekshe metr gaz óńdeý zaýytyn salý jónindegi konsorsıýmnyń josparlaryn qoldaıtynyn jetkizdi. О́z kezeginde Gvıdo Brýsko kompanııanyń Qazaqstandaǵy jumysy boıynsha uzaq merzimdi jospary baryn aıtty.

«Biz qoldanystaǵy jobalar boıynsha qajetti sheshimderdi ýaqytyly qabyldap, jańalaryn, sonyń ishinde jańartylatyn energetıka salasynda iske asyrý múmkindikterin izdeımiz. Úkimettiń qoldaýynyń arqasynda jobalar boıynsha týyndaıtyn barlyq máseleler jumys tártibimen sheshiledi», dedi Gvıdo Brýsko.