«Eń aldymen sizderge qoldaý kórsetkenderińiz úshin alǵysymdy aıtqym keledi. Sońǵy úsh aı ishinde jyly lebizderińizdi estip, marqaıyp qaldym. Mundaı jaǵdaı meniń ómirimde alǵash ret bolyp otyr. Bul erteginiń aıaqtalmaýyn jáne aldaǵy ýaqytta da «Astana Arenanyń» dál osylaı tolyp, búgingideı qoldaý kórsetkenin qalaımyn. Al men óz kezegimde, sizderdi jigitter bolashaqtaǵy oıyndardyń bárinde júrekpen oınaıdy dep sendirgim keledi. Stadıondaǵy atmosfera úshin aıtar alǵysym sheksiz», dedi ol.
Sondaı-aq ol oıyn barysynda fýtbolshylardy jeńiske qalaı jetelegenin de aıtty.
«Birinshi taım shıeleniske toly boldy. Oıynǵa arnalǵan josparymyzdyń iske aspaı jatqan tustary da boldy. Sondyqtan ekinshi taımda bul jospardan sál aýytqýǵa týra keldi. Eń bastysy, úzilis kezinde jigitterdi sabyrǵa shaqyryp, jigerin qaırap jiberdik. Ekinshi taımda jaqsy oınap, laıyqty túrde jeńiske jettik», dedi bas bapker.
