Qazaqstan • 23 Qyrkúıek, 2022

Qazaqstan C5+1 formatynda kezdesý ótkizgisi keledi

220 ret

kórsetildi

1 mın

oqý úshin

BUU Bas Assambleıasynyń 77-shi sessııasy aıasynda Premer-Mınıstrdiń orynbasary - Syrtqy ister mınıstri Muhtar Tileýberdi, AQSh Memlekettik hatshysy Entonı Blınken men Ortalyq Azııa elderiniń syrtqy saıası vedomstvolary basshylarynyń qatysýymen S5+1 formatynda syrtqy ister mınıstrleriniń kezekti kezdesýi ótti, dep habarlaıdy Egemen.kz vedomstvoǵa silteme jasap.

Janbolat Kenjeǵul

Qazaqstan C5+1 formatynda kezdesý ótkizgisi keledi

Taraptar óńirlik kún tártibindegi ózekti máselelerdi, sondaı-aq óńir elderi men AQSh arasyndaǵy saýda-ekonomıkalyq baılanystardy keńeıtý jónindegi birlesken kúsh-jigerdi talqylady.

Kezdesýge qatysýshylar aradaǵy ýaǵdalastyqtardy iske asyrýdy qamtamasyz etýge arnalǵan S5+1 Vırtýaldy hatshylyǵynyń iske qosylýyn quptady.

M.Tileýberdi óz sózinde óńirdiń turaqty damýy men turaqtylyǵyn arttyrý maqsatynda ishki óńirlik dıalogty nyǵaıtýdyń mańyzdylyǵyn atap ótti.

«Qazaqstan óńirlik qaýipsizdik, klımattyq ózgeristerdiń jaǵymsyz saldaryna qarsy is-qımyl jasaý, sý resýrstaryn utymdy paıdalaný, áıelderdiń ekonomıkalyq múmkindikterin keńeıtý jáne adamı kapıtaldy damytý máselelerin birlesip sheshýge barynsha kúsh salady», dedi elimizdiń SIM basshysy.

Is-shara sońynda Qazaqstan syrtqy saıası vedomstvosynyń basshysy kelesi mınıstrlik kezdesýdi Qazaqstanda ótkizýdi usyndy.