ANTIKOR • 25 Qyrkúıek, 2022

Qaırat Satybaldyulynyń sybaılasyna izdeý jarııalandy

108 ret kórsetildi

Sybaılas jemqorlyqqa qarsy is-qımyl agenttigi Q.Satybaldyulyna qatysty bıýdjetke tólenetin basqa da mindetti tólemderdi tóleýden jaltarý, sondaı-aq qylmystyq jolmen alynǵan aqshany jáne ózge de múlikti zańdastyrý (jylystatý) faktileri boıynsha sotqa deıingi tergeýdi jalǵastyrýda, dep habarlaıdy Egemen.kz agenttiktiń baspasóz qyzmetine silteme jasap.

Tergeý barysynda Q. Satybaldyulynyń asa senimdi adamy - Qazaqstan azamaty Efendı Kemal, 1983 jyly týǵan, birqatar kommersııalyq kásiporyndardyń quryltaıshysy jáne dırektory anyqtaldy.

Efendıdiń qylmystyq róli keden salasyndaǵy máselelerdi sheshý, qylmystyq jolmen alynǵan aqshany jáne basqa da múlikti zańdastyrý (jylystatý) boldy.

Ol úshin oǵan Q. Satybaldyuly shottan aqsha alýǵa senimhat bergen. Mysaly, Efendıdiń bir epızody boıynsha ǵana 2018 jyldyń shildesi men tamyz aıynyń úsh kúni ishinde Q.Satybaldyulynyń jeke shotynan qolma-qol 37 mlrd teńge jáne 62 mln teńge aqsha alǵan.

Bıylǵy aqpan aıynan bastap Efendı Qazaqstannan tys jerlerde jasyrynyp, qylmystyq qýdalaý organyna kelýden jaltaryp júr.

Onyń quqyqqa qarsy áreketteri QR Qylmystyq kodeksiniń 218-babynyń 3-bóligi 3-tarmaǵy boıynsha saralanyp, izdeý jarııalandy.

Sotqa deıingi tergeý jalǵasýda.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 12:12

Prezıdent Jambyl oblysyna bardy

Qazaqstan • Búgin, 11:43

Medısına salasyndaǵy yntymaqtastyq

Medısına • Búgin, 08:58

Jer daýy zańmen sheshiledi

Aımaqtar • Búgin, 08:55

Qaıtqan aktıvten qaıyr bar ma?

Qarjy • Búgin, 08:53

Namys qurbany

Tarıh • Búgin, 08:50

Túrki tilderin tanıtyn tehnologııa

Tehnologııa • Búgin, 08:35

Uqsas jańalyqtar