Qoǵam • 26 Qyrkúıek, 2022

Semeıde aımaqtyq aqsaqaldar forýmy ótti

90 ret kórsetildi

Búgin Semeı qalasynda Qazaqstan musylmandary dinı basqarmasynyń uıymdastyrýymen Abaı, Shyǵys Qazaqstan jáne Pavlodar oblystary aqsaqaldarynyń «Qazynaly qarııa – danalyq pen parasat ıesi» aımaqtyq forýmy ótti, dep habarlaıdy Egemen.kz.

Forýmǵa QMDB Tóraǵasy, Bas múftı Naýryzbaı qajy Taǵanuly, Abaı oblysynyń ákimi Nurlan Uranhaev, Dinı basqarma janyndaǵy Aqsaqaldar keńesiniń músheleri men jergilikti ımamdar qatysty.

Aıtýly jıyn Qasıetti Quran aıattaryn oqýmen bastalyp, keıin QMDB-nyń jyl basynan beri atqarǵan negizgi jumystary beınerolık túrinde kórsetildi.

Jıyndy ashqan oblys ákimi Nurlan Telmanuly qarııalarymyzdyń qoǵamdaǵy orny men tárbıeniń tiregi týraly aıta kele forým jumysyna tabys tiledi. QMDB Tóraǵasy óz sózinde ulttyń ult bolyp saqtalýy, bala tárbıesindegi babalar joly, ulaǵatty urpaqqa aqsaqaldyń kórseter keremet obrazy jaıly baıandamasynda atap ótti.

sh

«Qazaq «Kóp jasaǵannan emes, kópti kórgennen sura» deıdi. Onda qarttyq jaspen ólshenbeıdi, kórgen-bilgen, túıgenmen ólshenedi. Al Sizderdiń osy jastaǵy kórgen-túıgenderińiz talaı jasqa jyldar boıy azyq bolary sózsiz.

Ardaqty Paıǵambarymyz Muhammed (Allanyń oǵan salaýaty men sálemi bolsyn) bir hadısinde: «Eń jaqsy adam – qoǵamǵa, elge paıdasy tıgen adam», degen bolatyn. Hákim Abaı da «Sen de bir kirpish dúnıege, ketigin tap ta, bar qalan» deıdi. Sondyqtan ár azamat «Qazaqstan» atty alyp ǵımaratqa bir kirpish bolyp qalanyp, sol orynda óz mindetin uqypty, muqııat, tııanaqty, adal atqarýy lázim. Osy rette biz qazaq halqynda ejelden qalyptasqan Atalar ınstıtýtyn qaıta jańǵyrtýymyz qajet dep bilemin. Bul ınstıtýt qazirgi qalyptasyp kele jatqan Jańa Qazaqstandy kóterý turǵysynan paıdaly bolady dep senemiz.

sh

О́mir mektebiniń san túrli satysynan ótken, kópti kórgen, kórgenin kókeıge túıgen aqsaqaldardyń keńesi aýadaı qajet. Sebebi biz bolmysymyzdan bir sózben erdiń qunyn keshirgen, qaı zamanda da júıeli sózge toqtaǵan halyqpyz. Sol sebepti sizderdi el múddesi úshin birigip qyzmet etýge shaqyramyn. 

О́zderińiz jaqsy bilesizder, memleketimiz damýdyń jańa kezeńine qadam basty. El azamattarynyń basym kópshiliginiń qoldaýymen Ata zańymyzǵa ózgerister engizildi. Endi memlekettigimizdiń tuǵyrnamasy túbegeıli ózgermek.

sh

Búgingi alqaly jıyn da elimizdi, eldigimizdi damytý jolynda serpin beredi dep bilemin. Árdaıym birligimiz bekem bolyp, Jańa Qazaqstandy birge órkendetýdi Alla násip etsin», dedi Bas múftı.

Sonymen qatar forýmda el aǵalary Jabal Erǵalıev, Abdýlla qajy Joldas, Manarbek Muhametjanov, Asan Omarov, Rashıd Bektemirov, Zeınolla Toqaev syndy elge belgili aqsaqaldarymyz sóz sóılep, forýmnyń mánin asha tústi.

Jıyn sońynda qatysýshylar bir aýyzdan aqsaqaldar mektebin jańǵyrtýǵa kúsh salatynyn jetkizdi.

Sońǵy jańalyqtar

Dollar baǵamy 3 teńgege kóterildi

Qarjy • Búgin, 16:38

Qazaq balýany ulyqtaldy

Qoǵam • Búgin, 14:36

6 jeltoqsan - Prokýratýra kúni

Qazaqstan • Búgin, 13:00

SQO-da 50 jylqy muz astynda qaldy

Aımaqtar • Búgin, 09:18

Ábsattar Derbisáli atyndaǵy dárishana

Aımaqtar • Búgin, 08:17

Qazaqstan tájirıbesi joǵary baǵalandy

Saıasat • Búgin, 08:15

Ashyqtyq – mańyzdy ustanym

Saıasat • Búgin, 08:10

Baǵa bulqynysy

Ekonomıka • Búgin, 08:09

Uqsas jańalyqtar