Qazaqstan • 26 Qyrkúıek, 2022

Qazaqstan men Saýd Arabııasy arasynda jańa áýe reısteri ashylady

65 ret kórsetildi

Qazaqstan tarapy Saýd Arabııasynyń azamattyq avıasııa bıligi basshylarymen kelissózder júrgizip jatyr, dep habarlaıdy Egemen.kz.

Osyǵan oraı bıylǵy 29 qyrkúıekte Kanadanyń Monreal qalasynda ótetin ICAO-ǵa qarasty Azamattyq avıasııa uıymy Halyqaralyq Assambleıasynyń 41-sessııasy aıasynda eki memleket arasyndaǵy ózara túsinistik týraly memorandýmǵa qol qoıylady dep josparlanýda. Onyń sheńberinde avıakompanııalar jolaýshylar tasymalyn aptasyna 4-ten 8-ge deıin arttyrý kózdelip otyr. Bul – Qazaqstandaǵy «ashyq aspan» rejımi aıasynda júzege asyrylmaq.

Bul týraly IIDM basshysy Qaıyrbek О́skenbaevtyń Qajylyq jáne ýmra mınıstri Taýfık ben Faýzan bın Mýhammad Al-Rabıa bastaǵan Saýd Arabııasynyń delegasııasymen kezdesýinde aıtyldy.

Taýfık Faýzan Al-Rabıa mınıstrge jan-jaqty qoldaýy úshin alǵysyn bildirip, elder arasyndaǵy tikeleı reısterdiń ashylýy ózara qarym-qatynasty nyǵaıtýǵa eleýli úles qosatynyn atap ótti. Sondaı-aq ol áýe tasymalyn oryndaýǵa saýdarabııalyq avıakompanııalar da múddeli ekendigin jetkizdi.

«Sizdiń bastamańyzben usynylǵan memleketter arasyndaǵy áýe tasymalyn odan ármen arttyrý men ushý geografııasyn keńeıtý boıynsha eki eldiń áýe bıligi ókilderiniń kelissózderi jemisti nátıjesin berýde. Jaqyn arada tikeleı áýe qatynastary qaıta jandanatyn bolady»,  dedi Saýd Arabııasynyń  Qajylyq jáne ýmra mınıstri.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar