Qazaqstan • 27 Qyrkúıek, 2022

Áleýmettik qyzmetterdi damytý ózekti

63 ret kórsetildi

Eńbek jáne halyqty áleýmettik qorǵaý mınıstri Tamara Dúısenova áleýmettik qyzmetterdi damytý, múgedek adamdardy ońaltý boıynsha halyqaralyq onlaın-konferensııa barysynda Qazaqstandaǵy áleýmettik qyzmet kórsetý júıesiniń damýy týraly maǵlumat berdi.

Konferensııany Eńbek jáne halyqty áleýmettik qorǵaý mınıstrligi TMD-ǵa qaty­sýshy memleketterdiń Eńbek, jumys­pen qamtý jáne halyqty áleýmettik qor­ǵaý jónindegi konsýltatıvtik keńesinde tóra­ǵalyq etýshi organ retinde TMD-nyń Kon­­sýl­tatıvtik Keńesi men Atqarýshy ko­mı­tetiniń qoldaýymen uıymdas­tyrdy. Is-sha­raǵa Ázerbaıjan, Armenııa, Be­la­rýs, Tá­jikstan, О́zbekstan jáne Reseı­diń Mem­lekettik áleýmettik-eńbek sala­synyń ókilderi, sondaı-aq TMD-ǵa qaty­sýshy memleketterdiń Parlamentaralyq Assam­bleıa­synyń, Eýrazııalyq ekonomıkalyq komıs­sııanyń, jalpy kásipodaqtar konfede­ra­sııasynyń, Masherov atyndaǵy Vıtebsk mem­le­kettik ýnıversıtetiniń jáne TMD Atqa­rýshy komıtetiniń sarapshylary qa­tys­ty.

T.Dúısenova áleýmettik qyzmetterdi damytý, onyń ishinde múgedek adamdardy ońaltý salasynda is júzinde qoldanylýy múmkin ınnovasııalyq tájirıbemen almasý alańy sııaqty is-sharany ótkizýdiń ma­ńyzyn atap ótti. Mınıstr negizgi maqsaty ár qazaqstandyq otbasynyń ál-aýqatyn jaq­sartý bolyp sanalatyn Áleýmettik kodeks jobasyn ázirleý aıaqtalǵanyn aıtty. Qujatty bıyl qazan aıynda el Parla­men­tiniń qaraýyna engizý josparlanýda. Áleýmettik kodeks jobasynda qaras­tyrylǵan oń ózgeristerdi iske asyrýdyń negizgi quraldarynyń biri – otbasynyń sıfrlyq kartasy.

«Otbasynyń sıfrlyq kartasy – qazaq­standyq otbasylardyń kepildik túr­leri boıynsha derbestendirilgen bazasy. Bul –  Memleket basshysynyń tapsyr­masy bo­ıynsha aǵymdaǵy jyldyń 1 qyr­kúıe­ginen bas­tap iske qosylǵan memleket­tik kórse­ti­letin qyzmetterdi kórsetýdiń proak­tıvti for­ma­tynyń jańa quraly. Osy ja­ńalyqtyń nátı­jesinde memleket aqparat­tyq júıe arqyly azamatqa qujattar toptamasyn jınaý jáne tıisti memlekettik organ­darǵa júginý qajettiliginsiz memlekettik qoldaýdyń qandaı da bir túrin anyqtap, alýǵa usynys jasaı alady», dedi T.Dúısenova.

2023 jyldan bastap Otbasynyń sıfr­lyq kartasy áleýmettik-eńbek salasyndaǵy bar­lyq qyzmetti proaktıvti formatta qam­týǵa múmkindik beredi.

Sondaı-aq mınıstr medısınalyq uıym­dardyń aqparattyq júıelerinen kelip túsken derekter negizinde proaktıvti syrttaı formatta medısınalyq-áleýmettik saraptamany pılottyq engizý týraly habardar etti. Búgingi tańda osy formatta 37 myńnan astam is nemese osy saladaǵy mem­lekettik qyzmetterdiń jalpy sanynyń 22,4%-y qaraldy.

Sonymen qatar múgedektigi bar adam­darǵa memlekettik qyzmetterdi alýǵa qol­je­tim­dilikti arttyratyn áleýmettik qyz­metter portaly týraly aıtyldy.

«Áleýmettik qyzmetter portaly – múgedek adamdarǵa qyzmet kórsetetin taýar­lardyń, qyzmetter men uıymdardyń elek­trondyq vıtrınasy. Jeke kabınetke kirip, adam qandaı ońaltý quraldary nemese arnaıy qyzmetter oǵan enetinin birden kóre alady. Jáne ol jet­kizýshini ózi tańdaıdy. Eger qyzmet nemese tehnıkalyq qural úshin jıyntyq so­ma kepildik berilgen somaǵa sáıkes kelse, alý­shy­ǵa ony memleket óteıdi. Eger bul soma asyp ketse, qosymsha qarjylandyrylady», dep túsindirdi ol.

T.Dúısenova múgedektigi bar adamdar turatyn óńirlerde ashylatyn syıymdylyǵy az medısınalyq-áleýmettik mekemelerdi qurý boıynsha júrgizilip jatqan jumystar týraly da habardar etti.

Sonymen qatar taǵy bir engizilgen sıfrlyq qural – Elektrondyq eńbek bırjasy. EEB-da adamdardyń shamamen 70-80%-y jumys izdeıdi jáne tabady, sondaı-aq platformada onlaın oqytý jáne eńbek sharttaryn tirkeý júzege asyrylady.

«Elektrondyq eńbek bırjasynda múge­dektigi bar adamdardy qoldaý turǵysy­nan eki modýl jumys isteıdi – MBA úshin jumys oryndary jáne qoljetim­di­liktiń ınteraktıvti kartasy. Sol arqyly áleý­mettik nysandardyń qoljetimdiligin, sonyń ishinde Halyqtyq baqylaý sharalarynyń kó­me­gimen baqylaýǵa bolady», dedi T.Dúı­senova.

Mınıstr sıfrlyq tehnologııalardy paıdalaný kórsetiletin áleýmettik qyz­met­ter sapasynyń ósýine ákeletinin atap ótti.

О́z kezeginde, vıse-mınıstr Erbol Ospanov Qa­zaqstandaǵy áleýmettik qyzmet kórsetý júıe­siniń damý kezeńderi týraly, sondaı-aq ony jańǵyrtýdyń aldaǵy josparlary, onyń ishin­de Áleýmettik kodeks jobasy sheńberinde jos­parlary týraly egjeı-tegjeıli aıtyp berdi.

Ol qujatta halyqty áleýmettik qor­ǵaý­dyń adam quqyqtaryn shekteýge teń quqyq­tyq jáne jol bermeý, memlekettik áleý­mettik qoldaý sharalarynyń aldyn alý, olardyń ataýlylyǵy, qoljetimdiligi men saralanǵan kózqaras, memleket, jumys berý­shiler men azamattardyń áleý­mettik qamsyz­dandyrý júıesindegi ynty­maq­tastyǵy men ujymdyq jaýapkershiligi jáne t.b. negizgi qaǵıdattar kórinis tapqanyn atap ótti.

«Áleýmettik kodeks jobasynda mem­lekettiń, jeke sektordyń, úkimettik emes uıymdardyń jáne azamattardyń ynty­maqty qatysýyna nazar aýdara otyryp, áleý­mettik qyzmet kórsetý júıesin odan ári jań­ǵyrtý kózdeledi», dep habarlady vıse-mınıstr.

Ol áleýmettik qyzmet kórsetý júıesin jań­ǵyrtý aıasynda jos­par­lanǵan qaıta qurý­lardyń negizgi birneshe aspektisin kórsetti. Osylaısha, arnaýly áleýmettik qyzmetter kórsetý jaýapty formatqa kóshiriledi. Buǵan jumyspen qamtylmaǵan otbasy músheleri tartylady, jalpy tarıfterdiń jáne t.b. ornyna arnaýly áleýmettik qyzmetterdi jan basyna qarjylandyrý qaǵıdaty engiziledi.

Sondaı-aq konferensııada TMD-ǵa qatysýshy memleketterdiń áleýmettik qyz­met kórsetý júıesindegi jańa ádister men tásilder, múgedek adamdardyń quqyq­taryn ońaltý jáne saqtaý máseleleri jáne t.b. qaraldy. Is-shara sońynda qaty­sý­shy­lar áleýmettik qyzmetterdi damytý, onyń ishinde múgedek adamdardy ońal­tý boıynsha qarar qabyldady, onyń sheń­berinde TMD-ǵa qatysýshy memleket­ter áleýmettik qamsyzdandyrý júıesin odan ári damytýǵa jáne múgedek adamdar­dy qoldaý júıesin jańǵyrtýǵa, onyń ishinde kúsh-jiger men halyqaralyq yntymaq­tastyqty shoǵyrlandyrý arqyly ózderiniń ázirlikterin rastady.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar