Atalǵan uıym osy dástúrinen aınymaı, bıyl da irgeli is-sharalardy qolǵa alyp otyr. Maqsaty – árıne, qarııalardy qoldaý, olarǵa shynaıy kóńil bólý, qamqorlyq kórsetý. Bul – túsine bilgenge aǵa býyn aldyndaǵy paryzymyzdyń buljymas bir bóligi. Shaý tartqan shaǵynda jylýlyq pen meıirimge zárý keletin qazynalarymyzdyń el ıgiligine jasaǵan eseli eńbegi de eshqashan eskerýsiz qalmaıtyny sodan bolsa kerek.
Osy oraıda «Ardagerler uıymy» respýblıkalyq qoǵamdyq birlestigi barlyq qazaqstandyqty, jumys berýshilerdi, bıznes qurylym ókilderin, aǵa býynnyń el ıgiligine qosqan eseli eńbegin ulyqtaýǵa, «Qarttarymyzdy qamqorlaı júreıik» aksııasyna belsendi atsalysýǵa shaqyrady. Halqymyzdyń dástúrinde úlkendi syılap, aqylyn tyńdap, aldynan kese kóldeneń ótpegen. Sondyqtan elimizde qart adamdarǵa degen qamqorlyq jyl saıyn artyp keledi. Bul ıgi de ónegeli dástúrdiń tamasha úlgisine bıyl da kýá bolamyz degen úmit zor.
