El qaýipsizdigi – mańyzdy mindet

Bul oraıda Prezıdentimiz eli­mizdegi eleýli ózgerister týraly, tyń reformalar men mem­le­ketimizdiń ıdeologııalyq baǵyt­tary týraly naqty ári búkpesiz oılaryn jetkizdi.

Osyndaı tóńiregimiz túgel shy­tynap turǵanda shyn máninde elimiz úshin eń mańyzdysy – bere­ke-birligimiz. Bul – qazirgi syn-qaterlerge tótep bere alatyn jalǵyz qundylyǵymyz.

«Jerimizdiń bútindigi já­ne elimizdiń amandyǵy – biz úshin bárinen mańyzdy. Memle­ket­terdiń terrıtorııalyq tutastyǵy min­detti túrde saqtalýy kerek. Bul – negizgi qaǵıdat. Men muny halyqaralyq arenada únemi ashyq jáne anyq aıtyp júrmin. Jaqynda Birikken Ulttar Uıymyna baryp, eń bıik minberden bul týraly taǵy da málimdedim. Munyń bári beker emes.  Aınalamyzda aýqymdy soǵys bolyp jatyr. Biz osyny eskere otyryp, eń aldymen, elimizdiń qaýipsizdigin oılaýy­myz kerek. Shekaramyz bútin bolsa, syrttan shabýyl jasalmasa, tórt qubylamyz túgel bolady. Bul – memleketimiz úshin, men úshin asa mańyzdy mindet ári basty maqsat», dedi Prezıdent.

Memleket basshysy sonymen qatar eldegi reformalarǵa da keńinen toqtaldy. Osy oraıda el Konstıtýsııasyna engen ózgerister týraly, onyń ishinde 7 jyldyq bir ǵana merzimge saılaýǵa túsý quqyǵy týraly da aıtty.

Iá, bul sapardyń saıası tur­ǵydan bólek rýhanı ólshemi de bir tóbe. Kıeli topyraqqa baryp, me­det qylý – jaqsylyqtyń, ıisi qaza­qylyqtyń aıqyn belgisi dep bile­min. Memleketimiz úlken ózgeris­tiń aldynda tur. Bul oraıda biz reformalardyń bir saǵat­tyq ne bolmasa bir kúndik dúnıe emes ekendigin eskerýimiz kerek.

Elimiz aman, jurtymyz tynysh bolsyn!

Narıman TО́REǴALIULY,

Senat depýtaty