Elimizdegi «Adam densaýlyǵyna qaýip faktorlarynyń zııandylyǵyn azaıtý jónindegi ulttyq qaýymdastyǵy – «Densaýlyq» ZTB kontrafaktilik taýarlardyń kirýine qarsylyq bildirip, qoǵamdyq-kommýnıkasııalyq aksııaǵa muryndyq bolyp otyr, dep habarlaıdy Egemen.kz.
Bul bastamaǵa «Qazaqstan tutynýshylar lıgasy» Qaýymdastyǵy» ZTB men BMF Analytics, Bisam agenttigi de qosyldy.
Endi osy jobanyń aıasynda Qazaqstannyń 10 qalasynda halyqtyń densaýlyǵy men qaýipsizdigine qaýip tóndiretin zańsyz, kontrafaktilik jáne rettelinbegen ónimderdiń aınalymyna jol bermeý maqsatynda zertteýler men monıtorıngter júrgizilmek.
«Qazaqstan tutynýshylar lıgasy» Qaýymdastyǵy» ZTB málimetterine súıensek, aldyn ala boljamdarǵa sáıkes, kontrafaktilik ónimder tek bir ǵana Almaty qalasynyń ózinde 20-30%-ǵa ósken. Sol sııaqty 2022 jyldyń qyrkúıeginde Qarjy monıtorıngi agenttiginiń Aqmola oblystyq departamenti Memlekettik kirister departamentimen birlesip, Aqmola jáne Soltústik Qazaqstan aýmaǵynda ótkizý maqsatynda qomaqty kólemde alkogol ónimin tasymaldaý jáne saqtaý zańsyz áreketteriniń jolyn kesken. Al Kókshetaý jáne Petropavl qalalarynda jalpy somasy 18,5 mıllıon teńgeden asatyn jalpy kólemi 9,5 tonna spırti bar suıyqtyq tabylyp, tárkilendi.
О́kinishke qaraı, qazirgi ýaqytta kóterme jáne bólshek saýda bazarlary, áleýmettik jeliler men ınternet-dúkender kontrafaktilik ónimderdi satýdyń basty arnasy bolyp tur. Zańsyz ónimderge degen suranysty halyq tabysynyń tómendegi men kontrafaktilik taýarlardyń arzandyǵynan týyndap jatqanyn joqqa shyǵarmaý qajet.
Jańa bastama týraly «Adam densaýlyǵyna qaýip faktorlarynyń zııandylyǵyn azaıtý jónindegi ulttyq qaýymdastyǵy – «Densaýlyq» basshysy ZTB Baqyt Túmenova: «Sapaly jáne densaýlyqqa paıdaly ónimderdi tańdaýda halyqty aqparattandyrý mańyzdy ról atqarady. Mundaı jaǵdaıda buqaralyq aqparat quraldary men zamanaýı kommýnıkasııa quraldary mańyzdy ról atqara alady. Sondyqtan ótken jyldyń sońynda zańsyz jáne rettelmeıtin ónimdermen kúresýge múddeli seriktesterdi talqylaýǵa qatysýǵa shaqyrý maqsatynda bizdiń Qaýymdastyqtyń bazasynda ashyq alań qurýdy usyndyq. Bizdiń usynysymyzǵa úzdik qazaqstandyq sarapshylar ún qatqandyqtan, búginde biz Qazaqstan naryǵyn jaılaǵan kontrafaktilik ónimdermen kúresý jónindegi qoǵamdyq-kommýnıkasııalyq kompanııanyń bastalǵany týraly qýana habarlaımyz. Osy máselege memlekettik organdar men jurtshylyqtyń nazaryn aýdarý maqsatynda kontrafaktilik taýarlar naryǵyna zertteýler men monıtorıngter jasaı otyryp, halyq arasynda saýalnama júrgizý, baspasóz sharalaryn, dóńgelek ústelder men brıfıngter ótkizýdi josparlap otyrmyz», degen málimdeme jasady.
Atyraýda birneshe mekteptiń oqýshylary onlaın oqıdy
Qoǵam • Keshe
Prezıdent Qatar Ámirimen telefon arqyly sóılesti
Saıasat • Keshe
Áýejaıda shekarashylar qonaqtardy erekshe kútip aldy
Qoǵam • Keshe
Uqsas jańalyqtar
