Eki oblystyń aýyl sharýashylyǵy taýar óndirýshileri men qaıta óńdeý kásiporyndary elorda turǵyndary men qonaqtaryna joǵary sapaly ekologııalyq taza ónimder usynatyn bolady. О́nim assortımenti jalpy kólemi 282 tonnany quraıtyn 70-ten astam ataýdy quraıdy.
Onyń ishinde: 91 tonna kartop pen kókónis, 59,9 tonna bal, 48,8 tonna et, 17 tonna kúnbaǵys maıy, 13 tonna baqsha daqyldary, 8 tonna sút ónimderi, 7,5 tonna balyq ónimderi, 5 tonna qus eti, 5 tonnadan astam qymyz jáne panty ónimderi, 4 tonna ulttyq taǵamdar jáne 3 tonna shujyq ónimderi.
Barlyq ónimder sanıtarlyq-epıdemıologııalyq talaptarǵa sáıkes keledi jáne satýshylarda ónimderdiń shyǵý tegin, sapasy men qaýipsizdigin rastaıtyn qujattar bolady.
Sondaı-aq, elorda turǵyndary men qonaqtary úshin konserttik baǵdarlama daıyndaldy.
Esterińizge sala keteıik, atalǵan jármeńke aýylsharýashylyǵy óndirýshilerine óz ónimderin tikeleı tutynýshylarǵa deldalsyz satýǵa múmkindik beredi, sonyń nátıjesinde olardyń ónimderiniń baǵasy naryqtyq baǵadan10-20% - ǵa tómen bolady.
Jármeńkeler ár senbi jáne jeksenbide 30 qazanǵa deıin ótedi. О́tetin orny: Turan 48 meken-jaıy boıynsha ornalasqan "Astana-Arena" stadıonynyń janyndaǵy alań. Kelesi ónimdi 8-9 qazan kúnderi Soltústik Qazaqstan jáne Aqtóbe oblystarynyń kásipkerleri usynady.
