Laramen judyryqtasý mindetteldi

Uıym basshylyǵy bylǵary qolǵap sheberlerine boks keshin uıymdastyrýǵa 30 kún ýaqyt berdi. Eger taraptar 23 qazanǵa deıin ortaq mámilege kele almasa, onda atalǵan jekpe-jek­ti pro­moýterlik bás saýdaǵa shy­­ǵarady. Aldyn ala málimet bo­ıyn­sha Golovkın ózine tıe­sili WBA beldigin qorǵaýǵa kelisimin bergen jaǵdaıda álem chempıony retinde jekpe-jekten túsetin ta­bystyń 75 paıyzyna ıelik ete­di. Al 25 paıyzǵa kýbalyq qa­bylan kelise me? Mine, boks­shylar bir aı boıy osy áńgime tóńireginde kelissóz júrgizedi.

Boks mamandary qandaı jaǵ­daı bolsa da, Golovkın bul jek­pe-jekten eki túrli sebeppen bas tarta almaýy múmkin eke­nin aıtyp otyr. Birinshisi – joǵaryda aıtyp ótkendeı, qar­jy máselesi. Iаǵnı atalǵan aı­qasta otandasymyzǵa jap-jaqsy gonorar usynylyp otyr. Eger ol chempıondyq beldiginen bas tartyp, basqa boksshylarmen ju­dyryqtasýdy qup kórse, onda joǵary gonorar alatynyna eshkim kepildik bere almaıdy.

Ekinshi sebep, WBA uıymy Golovkınge belbeýin osy jyl­dyń kúzinde qorǵaýdy mindet­tegen bolatyn. Alaıda otan­dasy­myz meksıkalyq Saýl Al­varespen úshinshi jekpe-je­gin ótkizetin bolǵandyqtan, oǵan min­detti beldik qorǵaýdy bir jolǵa keıinge shegerip, arnaıy ruqsat bergen edi. WBA bas­shylyǵy qazaqstandyq boks­shyǵa ekinshi ret mundaı múm­kindik berilmeıtinin aıtyp otyr.

Aıta keteıik, Gennadıı Go­lov­kın WBA Super chempıon­dyq belbeýin bıyl jeńip alǵan bolatyn. Osy jyldyń sáýir aıynda otandasymyz Japonııada jergilikti boksshy Reta Mýra­tamen judyryqtasyp, ony to­ǵyzynshy raýndta tehnıkalyq nokaýtpen tize búktirgen-di.

Al 39 jastaǵy Lara 2021 jyldyń mamyrynan bastap WBA World tıtýlyna ıelik etedi. Byltyr ol AQSh-tyń Ka­lı­fornııa shtatynda ótken boks keshinde amerıkalyq Tomas La­man­nany (30-4-1) bir jarym mınýttyń ishinde esinen tandyryp, chempıondyq beldikke qol jetkizgen edi. Bul – Laranyń orta salmaqtaǵy alǵashqy jek­pe-jegi bolatyn. Arada bir jyl ótken soń Erıslandı WBA World belbeýin birinshi ret qorǵady. Nıý-Iork­tegi Barclays Center sport keshe­ninde uıymdastyrylǵan boks keshinde ırlandııalyq Garı O’Sallıvanmen qolǵap túıis­tirip, 8-raýndta tehnıkalyq nokaýt­pen jeńiske jetti.

Golovkınnen tup-týra bir jas kishi Erıslandı Lara 1983 jyldyń 11 sáýirinde Kýbanyń ońtústik-shyǵysyndaǵy shaǵyn qalada dúnıege kelgen. Áýesqoı boksta mol tájirıbege ıe bol­ǵan Lara 2005 jyly álem chempıonatynda 69 kıloda top jarsa, 2006 jyly Ortalyq Ame­rıka jáne Karıb teńizi ja­ǵa­laýynyń oıyndarynda altynnan alqa taq­ty. Odan bó­lek birqatar ha­lyq­aralyq iri týr­nırde oza shap­qan.

2005 jyly Qytaıdyń Mıanıane qalasynda ótken álem chempıonatynda kýbalyq boks­shy kil myqtylardy joldan taıdyryp, barsha jankúıer al­dynda óz myqtylyǵyn dálel­degen bolatyn. Sol jylǵy jahandyq dodanyń alǵashqy aınalymynda ol ýkraınalyq Sergeı Derevıanchenkony 30:9 ese­bimen tize búktirse, ekin­shi aınalymda keıinnen Olım­pıada (2008) jáne álem chem­pıonatynyń (2009) kúmis júldegeri atanǵan úndistandyq Vıdjender Sıngh­ten, úshinshi kezeńde reseılik Andreı Bala­nov­tan aılasyn asyrdy. Shı­rek fınalda amerıkalyq Mel­son Boıdty jarys jolynan yǵystyrsa, jartylaı fınalda Afına Olımpıadasynyń chempıony bolǵan qazaqstandyq Baqtııar Artaevty 31:22 esebi­men jeńip, fınaldyq saıysqa joldama aldy. Bas júlde úshin ótken aıqasta Belarýs ókili Ma­go­med Nýrýtdınovty 24:9 nátı­­jesimen qapy qaldyryp, álem chempıony ataǵyna qol jetkizdi.

2007 jyly Brazılııada ót­ken Panamerıka oıyndary kezinde Lara ulttyq quramadaǵy áriptesi, Olımpıada chempıony Gılermo Rıgondomen bir­ge kásipqoı boksta óner kór­se­tip, mol qarjyǵa kenelý úshin Amerıkaǵa qashýǵa ty­rysady. Alaıda birneshe kún­nen keıin Rıgondo men Lara quqyq qor­ǵaýshylardyń qury­ǵyna ilinip, olardy Kýbaǵa deportasııalap jiberedi. Osy oqıǵadan keıin Kýba basshysy Fıdel Kastro Lara men Rıgon­dony ulttyq quramadan shet­tetýdi tapsyrady. Alaıda arada bir jyl ótkende Lara ekinshi ret elden qashýǵa talpynyp kó­redi. Bul jolǵy umtylysy sát­­ti júzege asyp, ol Germanııaǵa ta­ban ti­reıdi. Bul jaqta ol Odla­ner Solıs, Iýrıorkıs Gam­boa jáne taǵy basqalar sııaq­ty qash­­­qyn­dardyń qataryna qo­sylady.

Sóıtip, Erıslandı 2008 jyl­dyń sońyna deıin Túrkııa men Germanııada bir-bir jekpe-jek ótkizip, kelesi jyly AQSh-qa qonys aýdardy. Sol ýaqyttan beri ol kásipqoı boks­­ta 34 kezdesý ótkizip, 28 ret je­ńiske jetti. Úsh jekpe-jek­te qarsylasymen teń tússe, taǵy úsh kezdesýde je­ńilip qaldy. 2011 jyly ame­rıka­lyq Pol Ýılıamstan, 2014 jyly meksıkalyq Saýl Al­va­resten jáne taǵy bir AQSh ókili Djarrett Hıordten upaı san­dary boıynsha utylǵan.

Sondaı-aq ol ár jyldary birinshi orta salmaqta WBA tu­jy­rymynyń sýper chempıony, IBO beldiginiń ıegeri atanǵan.