Aımaqtar • 30 Qyrkúıek, 2022

Qalanyń qysqa daıyndyǵy

29 ret kórsetildi

Alataý bókterindegi aýmaqta mızam shýaǵy meılinshe jumsaq ótip jatyr. Alaıda bıyl tabıǵattyń bul mezeti uzaqqa sozylmaıtyn sııaqty. Qazan aıy týmaı jatyp kún raıy qyryq qubyla bastady.

Qazir óńirdegi aýa raıy «túske deıin kıiz, tústen keıin múıiz» degenge kelip turǵandaı. Al tún sýydy. Jekelegen úıler ot jaǵyp, jylynýǵa kirisken. Osyndaı qaýyrt tirlik ob­lys ortalyǵy Qonaev qalasynda da bas­taldy. Qalalyq turǵyn úı-kom­-
mýnaldyq sharýashylyǵy bóliminiń mamandarynyń málimetinshe, qystan qysylmaı shyǵý úshin 29 myń ton­na kómir qajet eken. Búginde tur­ǵyn­darǵa qajetti kómirdiń deni qala aýma­ǵyndaǵy arnaıy otyn qoımalarynda bar kórinedi.

– Turǵyndarǵa bıylǵy qysqa 29 myń tonna qatty otyn qajet. Qonaev qalasynda 3 kómir tuıyǵy bar, búginde onda jalpy qory 3 758 tonna saqtaýly tur. S.Seıfýllın kóshesindegi №58 kómir tuıyǵynda «Qarajyra» kómiri satylýda, onyń ár tonnasyna qoıylǵan baǵa – 16 myń teńge. Al Indýstrıalnaıa kóshesindegi №9 kómir tuıyǵynda «Shubarkól» kómiri bar, onyń tonnasyn 15 500 teńgeden saýdalap jatyr. Sondaı-aq Zarechnoe aýylynda «Shubarkól» kómiriniń ár tonnasyn 14 550 teńgeden satyp alýǵa bolady. Al qala boıynsha jylý taratatyn kásiporyndaǵy mazýt qory – 4 377,5 tonna. Jospar boıynsha jylytý kezeńine 4 727,5 tonna otyn qajet. Búginge deıin Petrosun seriktestigi qalaǵa 350 tonna otyn jetkizip berdi. Seriktestikpen ekijaqty kelisimshartqa qol qoıyldy, – deıdi qalalyq turǵyn úı-kommýnaldyq sharýashylyǵy bóliminiń basshysy Darhan Qaraǵonysov.

Qysqa daıyndyq barysynda Qonaev qalasyndaǵy jylý júıesiniń 890 metrine jeńil, 2 580 metrine kúrdeli jóndeý jasalǵan eken. Qazir qaladaǵy 1, 3, 4, 5, 18 shaǵyn aýdandaryndaǵy qubyrlardyń barlyǵy jańarǵan. Al qala boıynsha barlyǵy 781 642 sharshy metr aýmaqtaǵy turǵyn úı men ǵımarattar ortalyqtandyrylǵan jylý júıesine qosylǵan.

 

Almaty oblysy

Sońǵy jańalyqtar

Túrkistanda 200-deı úı jylýsyz qaldy

Aımaqtar • Búgin, 18:15

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Uqsas jańalyqtar