Medısına • 30 Qyrkúıek, 2022

22 náresteniń ómirin saqtap qaldy

42 ret kórsetildi

Samruk-Kazyna Trust qorynyń demeýshilik qoldaýymen júzege asyrylyp jatqan «Basqarylatyn gıpotermııa» jobasynyń alǵashqy nátıjeleri jarııa­landy. 2021 jyldyń mamyr aıynan bastap 2022 jyldyń qyrkúıek aıyna deıin avtomatty gıpotermııa jabdyqtary arqyly 22 jańa týǵan náreste qutqarylyp otyr.

«Samuryq-Qazyna» AQ kompanııalar toby atynan qazirgi zamanǵy gıpotermııa apparattary men ensefalografııa monıtorlaryn Qaraǵandy, Taldyqorǵan, Aqtaý, О́skemen, Oral qalalaryndaǵy bes oblystyq perınataldyq ortalyq jáne Shymkent qalasynyń qalalyq pe­rı­nataldyq ortalyǵy aldy. Jabdyq­tar­dyń jalpy quny 132 mln teńgeni qurady.

«Basqarylatyn gıpotermııa» jobasy bastalǵan kúnnen bastap 6 apparatta 22 balanyń ómiri qutqaryldy. Qaraǵandy oblystyq kópbeıindi aýrýhananyń pe­rı­na­taldyq ortalyǵynda avtomatty gıpo­termııa apparatynda aýyr jáne ortasha aýyr asfıksııamen týǵan 16 bala aman qaldy. Gıpotermııa apparattary ornatylǵannan keıin birden Aqtaýda 3 sábıge, Taldyqorǵanda, О́skemende jáne Shymkentte bir sábıden kútim jasaýǵa paıdalanyldy.

«Búginde «Basqarylatyn gıpotermııa» jobasynyń jemisi áserli bolyp otyr. Biz bergen apparattar tájirıbeli neonatolog dárigerlerdiń qolynda kóp jyldar boıy jumys isteıtin bolady. Densaýlyq saqtaý salasyndaǵy óńirlik jobalardy qoldaý «Samuryq-Qazyna» AQ úshin mańyzdy basymdyqtardyń biri. Bul elimizdegi balalar ólimin qysqartý syndy ótkir áleýmettik máseleni sheshýge kompanııalar tobymyzdyń qosqan úlesi», dep atap ótti Samruk-Kazyna Trust qory bas dırektorynyń orynbasary Serǵoja Qalıasqarov.

Mamandandyrylǵan jabdyq paıda bolǵanǵa deıin reanımasııada qolda bar quraldarmen mehanıkalyq gıpotermııa qoldanylyp, bul árqashan qana­ǵat­tanarlyq nátıje bermedi. Qajetti temperatýrany 72 saǵat boıy týra 34 gra­dýsta ustap turý, al sodan keıin balany birtindep jylytý óte qıynǵa soqty. «Sa­muryq-Qazyna» AQ-nyń AYALA qaıy­rymdylyq qorymen seriktestikte kórsetken kómegi arqyly perınataldyq ortalyqtardyń reanımasııalarynda bul eńbekti kóp qajet etetin úderis endi tolyq avtomattandyrylǵan. Nátıje – qut­qarylǵan balalardyń ómiri men fýnksıonaldyq densaýlyǵy.

«Kómek suraǵan ótinishimizdi Samruk-Kazyna Trust qory men AYALA qaıy­rym­dylyq qorynyń ja­ýap­syz qal­dyr­maǵanyna sheksiz qýa­nysh­tymyz. Ja­qyn­da ornatylǵan jab­dyqtar arqyly aýyr asfıksııa­men týǵan balanyń ómirin saqtap qaldyq. Bul osy jabdyqqa degen joǵary suranysqa aıqyn dálel. Shymkent qalasynyń bolashaq analary osy qundy syılyq úshin demeýshiniń atyna aıtylatyn alǵysymyzǵa qosyla­tynyna senimdimin», dep atap ótti Shymkent qalasy perınataldyq orta­ly­ǵy dırektorynyń mindetin atqarýshy Dáýlet Satov.

Terapııalyq gıpotermııany jańa týǵan náresteniń ómiriniń alǵashqy saǵattarynda qoldaný qajet. Apparat jańa týǵan náresteniń dene temperatýrasyn avtomatty túrde birtindep tó­mendetedi jáne ondaǵan saǵat boıy ony qajetti deńgeıde ustaıdy. Bul bala aǵzasyndaǵy metabolızmdi ózgertýge, onyń bas mıyn glıýkozamen qamtamasyz etýge jáne sol arqyly ortalyq júıke júıesiniń jasýsha­la­ryn qorǵaýǵa jáne qalpyna keltirýge múmkindik beredi. Gıpotermııa apparatyna jıyntyqta júretin amplıtýdalyq elektr­ense­fa­lografııa monıtory dárigerlerge qol­da­nylatyn terapııany baqylaýǵa jáne tıimdi túzetýge kómektesedi.

«2017 jyly bizdiń qor Densaýlyq saqtaý mınıstrligimen «Basqarylatyn gıpotermııa» jobasyn qoldaý týraly memorandýmǵa qol qoıdy. Osy ýaqyt ishinde Qazaqstannyń 12 qalasynda AYALA qory ornatqan jabdyqtar arqyly 235 jańa týǵan náresteniń ómiri men densaýlyǵy qutqaryldy. Biz Samruk-Kazyna Trust qoryna Qazaqstandaǵy alty balalar reanımasııasyn balalar ólimi men múgedektigin azaıtýǵa kómek­te­setin jabdyqtaýǵa kómekteskeni úshin rı­za­shy­lyǵymyzdy bildiremiz», dep atap ótti «AYALA» qoǵamdyq qorynyń pre­zı­denti Aıdan Súleımenova.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 12:12

Prezıdent Jambyl oblysyna bardy

Qazaqstan • Búgin, 11:43

Medısına salasyndaǵy yntymaqtastyq

Medısına • Búgin, 08:58

Uqsas jańalyqtar