Qazaqstan • 30 Qyrkúıek, 2022

Qazaq radıosynda Ábdiráli Bólebaı atyndaǵy stýdııa ashyldy

65 ret kórsetildi

1 qazan Radıo kúni qarsańynda Qazaq radıosynda televızııa jáne radıo ardageri, belgili dıktor Ábdiráli Bólebaı atyndaǵy stýdııa ashyldy, dep habarlaıdy Egemen.kz.

Radıostýdııanyń ashylý saltanatynda Aqparat jáne qoǵamdyq damý mınıstri Darhan Qydyráli  Ábdiráli Bólebaıdyń otandyq jýrnalıstıkadaǵy eńbegi týraly atap ótti.

«О́zderińizge belgili, ótken jyly Memleket basshysy 1 qazandy Radıo kúni dep jarııalady. Eń áýeli barshańyzdy kásibı merekemen quttyqtaımyn. Osy ataýly kún qarsańynda Ábdiráli Bólebaı atyndaǵy stýdııany ashý ǵasyrlyq tarıhy bar Qazaq radıosynyń ulaǵatty isi. Ábdiráli Bólebaıdyń daýysy jadymyzda, sanamyzda jattalyp qaldy. О́miriniń sońyna deıin qarashańyraqta qyzmet etip, «Altyn qorǵa» 500-ge jýyq habar qaldyrdy. Qazaq jýrnalıstıkasyndaǵy Ábdiráli Bólebaı esimi umytylmaıdy», dedi mınıstr.

Ábdiráli Bólebaı uzaq jyldar boıy Qazaq radıosynda, «Qazaqstan», «Habar» telearnalarynda, Qazaqstan Respýblıkasy Prezıdentiniń teleradıokesheninde qyzmet atqardy.

Ashylý saltanatynan keıin Á.Bólebaı atyndaǵy stýdııada «Ábdiráli álemi» atty alǵashqy habar ótip, marqumnyń jary Baıan Shubarova jáne jaqyndary men áriptesteri tyńdarmandarmen tikeleı efırde suhbattasty.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar