Qazaqstan • 30 Qyrkúıek, 2022

Álıhan Smaıylov Atyraý oblysyn damytý joldaryn talqylady

82 ret kórsetildi

​​QR Premer-Mınıstri Álıhan Smaıylov Atyraý oblysyn damytýdyń ózekti problemalaryn sheshý máseleleri boıynsha keńes ótkizdi, dep habarlaıdy Egemen.kz.

Keńes barysynda aýyldyq eldi mekenderdi sýmen jabdyqtaý, oblystyq jáne aýdandyq mańyzy bar kópirler men avtomobıl joldaryn salý, kópfýnksıonaldy medısınalyq mekeme, káriz-tazartý qurylystaryn rekonstrýksııalaý, «Bolashaq» zaýytynda jáne sýlandyrý-sýarý kanaldarynda jóndeý jumystaryn aıaqtaý, aýyl sharýashylyǵy qurylymdaryn qoldaý úshin qosymsha qarajat bólý, úsh aýysymdy oqytýdy qysqartý, bilim berý nysandaryn salý jáne t. b. máseleler talqylandy.

Oblys ákimi Serik Shapkenov, ındýstrııa jáne ınfraqurylymdyq damý mınıstri Qaıyrbek О́skenbaev, energetıka mınıstri Bolat Aqsholaqov, aýyl sharýashylyǵy mınıstri Erbol Qarashókeev, oqý-aǵartý mınıstri Ashat Aımaǵambetov, sondaı-aq ekologııa, geologııa jáne tabıǵı resýrstar vıse-mınıstri Zúlfııa Súleımenova, qarjy vıse-mınıstri Tatıana Saveleva jáne densaýlyq saqtaý vıse-mınıstri Jandos Búrkitbaev baıandama jasady.

Indýstrııa mınıstri bıyl jergilikti joldar jelisin salýǵa jáne rekonstrýksııalaýǵa 13,6 mlrd teńge bólingenin habarlady: qurylys-montajdaý jumystarynyń barlyq túrlerimen 45 km jol qamtyldy. Jyl qorytyndysy boıynsha olardyń normatıvtik jaǵdaıdaǵy úlesin 74%-ǵa deıin jetkizý josparlanýda.

Premer-Mınıstr joldardyń sapasyn jaqsartý boıynsha jumystardy jedeldetý qajet ekenin atap ótti, qazirgi kezde bul – elimizdegi eń tómen kórsetkishterdiń biri.

«Eger bıtým jetkizýdi tezdetpesek, onyń qysta qajeti bolmaı qalady. Barlyq sheshimder tıisti deńgeıde qabyldandy. Bul máseleni kúndelikti baqylaýǵa alyp, bıtým jetkizýdi jedeldetý qajet», — dedi Álıhan Smaıylov.

Keńesti qorytyndylaı kele, Premer-Mınıstr memlekettik organdarǵa Atyraý oblysynyń ákimdigimen birlesip, qaralǵan barlyq máselelerdi ýaqytyly jáne tolyq pysyqtaýdy tapsyrdy.

Sońǵy jańalyqtar

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar