Tergeý barysynda mınıstrdiń sheteldik stýdentterden otandyq joǵary oqý oryndaryna qabyldaý úshin iri kólemde para bopsalaǵany anyqtaldy. Keıin joǵary oqý oryndaryna túsý máselesin sheshýge ýáde bergeni belgili boldy. Osy máselelerdi sheshý úshin 100 myń dollar kóleminde aqsha bopsalaǵan.
Tergeý barysynda onyń birinshi ret joǵaryda atalǵan somany osy jyldyń 28 tamyzynda alǵany anyqtaldy. Biraz ýaqyttan keıin másele áli túpkilikti sheshilmegendikten, oǵan qaıtadan júgindi. Bul joly 10 myń dollar kóleminde aqsha bopsalaǵan. 2022 jyldyń 28 qyrkúıeginde ol kórsetilgen somany ($10 000) para alý kezinde Ishki ister mınıstrliginiń qyzmetkerlerimen ustaldy.
Odan ári tergeý barysynda mınıstr sheteldik stýdentterdi otandyq joǵary oqý oryndaryna túsirgeni úshin 110 myń AQSh dollary kóleminde para alǵany anyqtaldy. Tergeý barysynda ol buryn para túrinde alǵan 37 myń 500 AQSh dollaryn qaıtarǵan. Qalǵan aqshany tezirek qaıtarýǵa ýáde berdi.
Bul fakti boıynsha tolyq jáne obektıvti tergeý júrgiziletin bolady.
Buǵan deıin Qyrǵyzstannyń bilim mınıstri 110 myń AQSh dollary kóleminde para aldy degen kúdikpen ustalǵanyn habarlanǵan edik.
